వెలఁది చక్కఁదనము వేరొకటి గాదు సుండి
(॥పల్లవి॥)
వెలఁది చక్కఁదనము వేరొకటి గాదు సుండి
చెలులార చూడరమ్మ చెప్పరాదు వింతలు
(॥వెలఁది॥)
చెందమ్మిరేకులలోనఁ జేరి తుమ్మిదలు వాలె
కందువఁ జెలికినవే కన్నులాయను
చందమై వొకతీగెపై జక్కవపిట్టలు వాలె
గొందినవే యెంచిచూడఁ గుచములాయను
(॥వెలఁది॥)
నిండుఁజందురునిమీఁద నీలముల గని వుట్టె
కొండవంటి చెలికవే కురులాయరు
పండుటరఁటులమీఁద బలుసింహమదె యెక్కె
మెండగు నెన్నడుమై మించెనిదె యిప్పుడే
(॥వెలఁది॥)
పచ్చని చిగురుమీఁద పగడపుఁబండు వండె
అచ్చపుఁ జెలియకదె అధరమాయ
ఇచ్చకుఁడై శ్రీవేంకటేశుఁడింతలోఁ గూడె
నిచ్చకల్యాణములై నిలిచె నిన్నిటను
(||pallavi||)
vĕlam̐di sakkam̐danamu verŏgaḍi gādu suṁḍi
sĕlulāra sūḍaramma sĕpparādu viṁtalu
(||vĕlam̐di||)
sĕṁdammiregulalonam̐ jeri tummidalu vālĕ
kaṁduvam̐ jĕliginave kannulāyanu
saṁdamai vŏgadīgĕbai jakkavabiṭṭalu vālĕ
gŏṁdinave yĕṁchisūḍam̐ gusamulāyanu
(||vĕlam̐di||)
niṁḍum̐jaṁdurunimīm̐da nīlamula gani vuṭṭĕ
kŏṁḍavaṁṭi sĕligave kurulāyaru
paṁḍuḍaram̐ṭulamīm̐da balusiṁhamadĕ yĕkkĕ
mĕṁḍagu nĕnnaḍumai miṁchĕnidĕ yippuḍe
(||vĕlam̐di||)
pachchani sigurumīm̐da pagaḍabum̐baṁḍu vaṁḍĕ
achchabum̐ jĕliyagadĕ adharamāya
ichchagum̐ḍai śhrīveṁkaḍeśhum̐ḍiṁtalom̐ gūḍĕ
nichchagalyāṇamulai nilisĕ ninniḍanu