వెలఁది నీ చెమటలె వెళ్ల వేయఁగా
(॥పల్లవి॥)
వెలఁది నీ చెమటలె వెళ్ల వేయఁగా
తలఁగి నేఁ జెప్పకుంటే దాఁగఁ బొయ్యీనా
(॥వెలది॥)
సంగతి నీమోహ మెల్లా సకితోఁ జెప్పఁగఁ బోతే
అంగడిఁ బెట్టెకు మని ఆనవెట్టేవే
దొంగిలి గజ్జలపేరు తొలఁగఁ బెట్టెఁగఁ బోతే
వెంగలితనమె కాక వినక మానేరా
(॥వెలది॥)
యీకడ నీ విరహము యింతితో జెప్పఁగఁ బోతే
కాకుసేయ వద్దంటా కన్ను గీఁటేవే
పైకొని కన్నులు మూసి పాలు దాగఁబోతేను
జోకగా నింటివారు చూడక మానేరా
(॥వెలది॥)
జిగి విభుని దెమ్మని చెలులతోఁ జెప్పఁబోతే
అగడు సేయకు మని ఆన వెట్టేవే
నగుతా శ్రీవెంకటనాథుఁడె తా నిన్నుఁ గూడె
చిగిరింపుఁ గోరికల చేఁత డాఁగీనా.
(||pallavi||)
vĕlam̐di nī sĕmaḍalĕ vĕḽla veyam̐gā
talam̐gi nem̐ jĕppaguṁṭe dām̐gam̐ bŏyyīnā
(||vĕladi||)
saṁgadi nīmoha mĕllā sagidom̐ jĕppam̐gam̐ bode
aṁgaḍim̐ bĕṭṭĕgu mani ānavĕṭṭeve
dŏṁgili gajjalaberu tŏlam̐gam̐ bĕṭṭĕm̐gam̐ bode
vĕṁgalidanamĕ kāga vinaga mānerā
(||vĕladi||)
yīgaḍa nī virahamu yiṁtido jĕppam̐gam̐ bode
kāguseya vaddaṁṭā kannu gīm̐ṭeve
paigŏni kannulu mūsi pālu dāgam̐bodenu
jogagā niṁṭivāru sūḍaga mānerā
(||vĕladi||)
jigi vibhuni dĕmmani sĕluladom̐ jĕppam̐bode
agaḍu seyagu mani āna vĕṭṭeve
nagudā śhrīvĕṁkaḍanāthum̐ḍĕ tā ninnum̐ gūḍĕ
sigiriṁpum̐ gorigala sem̐ta ḍām̐gīnā.