వేళ లేదు జాడ లేదు వీని తోడిదే పాటు
(॥పల్లవి॥)
వేళ లేదు జాడ లేదు వీని తోడిదే పాటు
కూళఁడనై తిరిగేను గుణమేది నాకు
(॥వేళ॥)
వేగిరించి పెరరేఁచి వేసరించీఁ బనులు
సాగి ముందరఁ బొలసి చలపట్టీ సిరులు
జాగు సేసి వచ్చి వచ్చి చవి చూపీఁ బాయము
యేగతి నిన్నుఁ దలఁతు నేది బుద్ధి నాకు
(॥వేళ॥)
తన్నుఁదానే వచ్చి వచ్చి తగిలీ లంపటము
వున్నతి భోగముల నోరూరించీ సుఖము
కన్నచోనే యెలయించి కదిమీ సంసారము
యెన్నఁడు నిన్నుఁ దలఁతు నెఱుకేది నాకు
(॥వేళ॥)
తాలిమితో మీఁద మీఁదఁ దరవయ్యీఁ గర్మము
నాలితోడ సన్నసేసి నవ్వు నవ్వీ మర్మము
యేలితివి శ్రీవేంకటేశ్వరుఁడ నన్ను నీవు
సీలాన నీ వాఁడనైతిఁ జెప్పనేది నాకు
(||pallavi||)
veḽa ledu jāḍa ledu vīni toḍide pāḍu
kūḽam̐ḍanai tirigenu guṇamedi nāgu
(||veḽa||)
vegiriṁchi pĕrarem̐si vesariṁchīm̐ banulu
sāgi muṁdaram̐ bŏlasi salabaṭṭī sirulu
jāgu sesi vachchi vachchi savi sūbīm̐ bāyamu
yegadi ninnum̐ dalam̐tu nedi buddhi nāgu
(||veḽa||)
tannum̐dāne vachchi vachchi tagilī laṁpaḍamu
vunnadi bhogamula norūriṁchī sukhamu
kannasone yĕlayiṁchi kadimī saṁsāramu
yĕnnam̐ḍu ninnum̐ dalam̐tu nĕṟugedi nāgu
(||veḽa||)
tālimido mīm̐da mīm̐dam̐ daravayyīm̐ garmamu
nālidoḍa sannasesi navvu navvī marmamu
yelidivi śhrīveṁkaḍeśhvarum̐ḍa nannu nīvu
sīlāna nī vām̐ḍanaidim̐ jĕppanedi nāgu