(॥పల్లవి॥)
వేగునంతానేల జాలి వెలుమజోలి
సోగకన్నుల నాతనిఁ జూడఁగరాదా
(॥వేగు॥)
చలమే నీకు బలమా సరసములాడరాదా
వలచిన రమణుఁడు వద్దనుండఁగా
అలిగితేనేమాయ నప్పటికపుడె పోయ
చెలులు చెప్పఁగా సందుచేకొనరాదా
(॥వేగు॥)
పట్టినదే పంతమా పైకొని మాటాడరాదా
గుట్టుతో నీపతి చెంతఁ గూచుండఁగా
వొట్టుక దోసములేదు వొగి నీకుఁ బొద్దువోదు
పెట్టే గిలిగింతలకే బెట్టి నవ్వరాదా
(॥వేగు॥)
సిగ్గులే మూలధనమా చేరి పైకొనఁగ రాదా
అగ్గమై శ్రీ వేంకటేశుఁడలమఁగాను
యెగ్గులెల్లా నేఁడె జారె యెదుటఁ బ్రియములూరె
వెగ్గళించె నాస వెల్లవిరులు గారాదా
(||pallavi||)
vegunaṁtānela jāli vĕlumajoli
sogagannula nādanim̐ jūḍam̐garādā
(||vegu||)
salame nīgu balamā sarasamulāḍarādā
valasina ramaṇum̐ḍu vaddanuṁḍam̐gā
aligidenemāya nappaḍigabuḍĕ poya
sĕlulu sĕppam̐gā saṁdusegŏnarādā
(||vegu||)
paṭṭinade paṁtamā paigŏni māḍāḍarādā
guṭṭudo nībadi sĕṁtam̐ gūsuṁḍam̐gā
vŏṭṭuga dosamuledu vŏgi nīgum̐ bŏdduvodu
pĕṭṭe giligiṁtalage bĕṭṭi navvarādā
(||vegu||)
siggule mūladhanamā seri paigŏnam̐ga rādā
aggamai śhrī veṁkaḍeśhum̐ḍalamam̐gānu
yĕggulĕllā nem̐ḍĕ jārĕ yĕduḍam̐ briyamulūrĕ
vĕggaḽiṁchĕ nāsa vĕllavirulu gārādā