(॥పల్లవి॥)
వేగుదాఁకా జాగరాల వేసారితిమి
వాగపు బిత్తరికాఁడ వచ్చేవొ రావొ
(॥వేగు॥)
తళుకున మోము చూపి తల దీసే వంతలోనే
తొలుత నీ చేఁతల సుద్దులే తవ్వేవు
చలపట్టి వూరకైన సారె సారె నవ్వేవు
వలవంత సటకాఁడ వచ్చేవొ రావొ
(॥వేగు॥)
పొడవులు చూపేవు పొంచి పగ చాటేవు
యెడసితే వెదకేవు యింతలోనే
బడి బడి నీడుగానిపనులకే పెనఁగేవు
వడఁబెట్టి సటకాఁడ వచ్చేవొరావో
(॥వేగు॥)
బుద్దులఁ బోయేవు మెట్టి బూములెల్లాఁ దిరిగేవు
పొద్దువొద్దునకు నన్నుఁ బొదిగేవు
అద్దిర శ్రీవెంకటేశ అలమి కూడితి విట్టె
వద్దనుండి యిట్లనె వచ్చేవొ రావో
(||pallavi||)
vegudām̐kā jāgarāla vesāridimi
vāgabu bittarigām̐ḍa vachchevŏ rāvŏ
(||vegu||)
taḽuguna momu sūbi tala dīse vaṁtalone
tŏluda nī sem̐tala suddule tavvevu
salabaṭṭi vūragaina sārĕ sārĕ navvevu
valavaṁta saḍagām̐ḍa vachchevŏ rāvŏ
(||vegu||)
pŏḍavulu sūbevu pŏṁchi paga sāḍevu
yĕḍaside vĕdagevu yiṁtalone
baḍi baḍi nīḍugānibanulage pĕnam̐gevu
vaḍam̐bĕṭṭi saḍagām̐ḍa vachchevŏrāvo
(||vegu||)
buddulam̐ boyevu mĕṭṭi būmulĕllām̐ dirigevu
pŏdduvŏddunagu nannum̐ bŏdigevu
addira śhrīvĕṁkaḍeśha alami kūḍidi viṭṭĕ
vaddanuṁḍi yiṭlanĕ vachchevŏ rāvo