వేగిరించనేల విష్ణుఁడే యింతకుఁ గర్త
(॥పల్లవి॥)
వేగిరించనేల విష్ణుఁడే యింతకుఁ గర్త
బాగుగా నాతని యిచ్చఁ బరగుటే కాక
(॥వేగి॥)
తలపోఁతలేల దైవము గలుగఁగాను
చెలఁగి యాతఁడే యిన్నీఁ జేసీఁగాక
యిల నేఁడె పుట్టెనా యింకాఁ గలది గాదా
పలులోకాలు నడప భారము దేవునిదే
(॥వేగి॥)
చింత లిఁకనేలా శ్రీపతి గలుగఁగాను
మంతుకుఁ బుట్టించి తానే మనుపుఁగాక
వింతా యీ దేహము వేరా యీ యింద్రియాలు
యింతట బ్రహ్మాండనాథుఁ డిందరికి నొకఁడే
(॥వేగి॥)
సిలుఁగు గోరికలేల శ్రీవేంకటేశ్వరుఁడు
కలఁ డాతఁడే మనలఁ గాచీఁగాక
వెలసి యాతనిమాయే విశ్వమింతా నిండినది
తెలిపి రక్షించుటకు దిక్కు దెస యితఁడే
(||pallavi||)
vegiriṁchanela viṣhṇum̐ḍe yiṁtagum̐ garda
bāgugā nādani yichcham̐ baraguḍe kāga
(||vegi||)
talabom̐talela daivamu galugam̐gānu
sĕlam̐gi yādam̐ḍe yinnīm̐ jesīm̐gāga
yila nem̐ḍĕ puṭṭĕnā yiṁkām̐ galadi gādā
palulogālu naḍaba bhāramu devunide
(||vegi||)
siṁta lim̐kanelā śhrībadi galugam̐gānu
maṁtugum̐ buṭṭiṁchi tāne manubum̐gāga
viṁtā yī dehamu verā yī yiṁdriyālu
yiṁtaḍa brahmāṁḍanāthum̐ ḍiṁdarigi nŏgam̐ḍe
(||vegi||)
silum̐gu gorigalela śhrīveṁkaḍeśhvarum̐ḍu
kalam̐ ḍādam̐ḍe manalam̐ gāsīm̐gāga
vĕlasi yādanimāye viśhvamiṁtā niṁḍinadi
tĕlibi rakṣhiṁchuḍagu dikku dĕsa yidam̐ḍe