వేగిరించనేల నీతో వేమారును
(॥పల్లవి॥)
వేగిరించనేల నీతో వేమారును
బాగులు నీవెఱఁగనివా బతికించేవాఁడవు
(॥వేగి॥)
వన్నెల నీమీఁద నేను వలపెంత చల్లినాను
మన్నించేవాఁడవు నీవె మాఁటిమాఁటికి
విన్నపాలప్పటి నీతో వేగినంతాఁ జేసినాను
సన్నల నీచిత్తమే సమ్మతించేది
(॥వేగి॥)
జవ్వనమదాన నీతో సరసమెంతాడినాను
నవ్వేటివాఁడవు నీవే నానాఁటికి
రవ్వగా నీచెయ్యివట్టి రతికెంత దీసినాను
నివ్వటిల్లఁ గరఁగేది నీదేహమే
(॥వేగి॥)
చెలరేగి నేనెంత సిగ్గులతో మొక్కినాను
కలసేవాఁడవు శ్రీవేంకటేశ నీవే
నిలువునఁ జెమరించె(చి?) నే నిన్ను నెనసితే
కలదెల్ల నీకరుణే కందువైనది
(||pallavi||)
vegiriṁchanela nīdo vemārunu
bāgulu nīvĕṟam̐ganivā badigiṁchevām̐ḍavu
(||vegi||)
vannĕla nīmīm̐da nenu valabĕṁta sallinānu
manniṁchevām̐ḍavu nīvĕ mām̐ṭimām̐ṭigi
vinnabālappaḍi nīdo veginaṁtām̐ jesinānu
sannala nīsittame sammadiṁchedi
(||vegi||)
javvanamadāna nīdo sarasamĕṁtāḍinānu
navveḍivām̐ḍavu nīve nānām̐ṭigi
ravvagā nīsĕyyivaṭṭi radigĕṁta dīsinānu
nivvaḍillam̐ garam̐gedi nīdehame
(||vegi||)
sĕlaregi nenĕṁta siggulado mŏkkinānu
kalasevām̐ḍavu śhrīveṁkaḍeśha nīve
niluvunam̐ jĕmariṁchĕ(si?) ne ninnu nĕnaside
kaladĕlla nīgaruṇe kaṁduvainadi