వేగిరమా నీవు విభుఁడవు నీ వెలఁదిని నేను
(॥పల్లవి॥)
వేగిరమా నీవు విభుఁడవు నీ వెలఁదిని నేను
సోగకన్నుల నీసొలపుఁ జూపుల సొంపు నాకుఁ జాలదా
(॥వేగి॥)
చెలియ మునుపు సింగారించుకొన్న చెంగావిచీర యిది నీవు
తలఁకక నేడు దట్టిగట్టుకొంటె దాని కేమిదోసమా
అలిగేనా నేను అందుండె మాఁటాడు అంటుకొన నోపను అది
తలఁగ వేరొక్క తావునఁ బెట్టిరా దగ్గరుందు గాకి
(॥వేగి॥)
కందువతో నాపె కస్తూరి వూయఁగ గట్టిబేఁటులు రాలితే నీవు
పొందు చెడకుండ బొట్టు వెట్టుకొంటె బోగానకుఁ గడమా
నింద నిన్నాడేనా నేటి కటుండరా నే నందు కోరువనువొక
చందానఁ బన్నీట జలక మాడి నాసంగడికి రారా
(॥వేగి॥)
ముద్దియ వేలనె ముందర నుండెటి ముద్దురవుంగరమునీవు
పెద్దరికానకు ప్రియమునఁ గేల బెట్టుకొంటేఁ దగదా
గద్దరివై శ్రీవెంకటనాథ నన్నుఁ గరఁగించి కూడితి నా
వద్దనె పాయక వాలాయించి దేవరవలె నుండరా.
(||pallavi||)
vegiramā nīvu vibhum̐ḍavu nī vĕlam̐dini nenu
sogagannula nīsŏlabum̐ jūbula sŏṁpu nāgum̐ jāladā
(||vegi||)
sĕliya munubu siṁgāriṁchugŏnna sĕṁgāvisīra yidi nīvu
talam̐kaga neḍu daṭṭigaṭṭugŏṁṭĕ dāni kemidosamā
aligenā nenu aṁduṁḍĕ mām̐ṭāḍu aṁṭugŏna nobanu adi
talam̐ga verŏkka tāvunam̐ bĕṭṭirā daggaruṁdu gāgi
(||vegi||)
kaṁduvado nābĕ kastūri vūyam̐ga gaṭṭibem̐ṭulu rālide nīvu
pŏṁdu sĕḍaguṁḍa bŏṭṭu vĕṭṭugŏṁṭĕ bogānagum̐ gaḍamā
niṁda ninnāḍenā neḍi kaḍuṁḍarā ne naṁdu koruvanuvŏga
saṁdānam̐ bannīḍa jalaga māḍi nāsaṁgaḍigi rārā
(||vegi||)
muddiya velanĕ muṁdara nuṁḍĕḍi mudduravuṁgaramunīvu
pĕddarigānagu priyamunam̐ gela bĕṭṭugŏṁṭem̐ dagadā
gaddarivai śhrīvĕṁkaḍanātha nannum̐ garam̐giṁchi kūḍidi nā
vaddanĕ pāyaga vālāyiṁchi devaravalĕ nuṁḍarā.