(॥పల్లవి॥)
వీరు వారనేటి వింతేల
శ్రీరమణుని కృప సిద్ధముఁ గాక
(॥వీరు॥)
యెక్కడి పాపము యెక్కడి పుణ్యము
దక్కిన శ్రీపతిదాసునికి
పక్కన లోహముఁ బరుసము దాఁకిన
యెక్కువనంతా హేమమే కాదా
(॥వీరు॥)
యేది హీనము యేది యధికము
పాదుగ నడచు ప్రపన్నునికి
మేదినీశుఁ డేమెలుఁతఁ బెండ్లాడిన
సాదించ నేలికసానే కాదా
(॥వీరు॥)
యేడ నింద లిఁక నేడ సంస్తుతులు
జాడల శ్రీవైష్ణవునికిని
యీడనే శ్రీవేంకటేశుఁ డాత్మయట
యీడులేని యతఁ డెక్కుడే కాదా
(||pallavi||)
vīru vāraneḍi viṁtela
śhrīramaṇuni kṛpa siddhamum̐ gāga
(||vīru||)
yĕkkaḍi pābamu yĕkkaḍi puṇyamu
dakkina śhrībadidāsunigi
pakkana lohamum̐ barusamu dām̐kina
yĕkkuvanaṁtā hemame kādā
(||vīru||)
yedi hīnamu yedi yadhigamu
pāduga naḍasu prabannunigi
medinīśhum̐ ḍemĕlum̐tam̐ bĕṁḍlāḍina
sādiṁcha neligasāne kādā
(||vīru||)
yeḍa niṁda lim̐ka neḍa saṁstudulu
jāḍala śhrīvaiṣhṇavunigini
yīḍane śhrīveṁkaḍeśhum̐ ḍātmayaḍa
yīḍuleni yadam̐ ḍĕkkuḍe kādā