వీఁడు గదే శేషుఁడు శ్రీవేంకటాద్రిశేషుఁడు
(॥పల్లవి॥)
వీఁడు గదే శేషుఁడు శ్రీవేంకటాద్రిశేషుఁడు
వేఁడుక గరుడనితోఁబెన్నుద్దైన శేషుఁడు
(॥వీఁడు॥)
వేయివడిగెలతోడ వెలసిన శేషుఁడు
చాయమేని తళుకు వజ్రాల శేషుఁడు
మాయని శిరసులపై మాణికాల శేషుఁడు
యే యెడ హరికి నీడై యేఁగేటి శేషుఁడు
(॥వీఁడు॥)
పట్టపు వాహనమైన బంగారు శేషుఁడు
చుట్టు చుట్టుకొనిన మించుల శేషుఁడు
నట్టుకొన్న రెండువేలునాలుకల శేషుఁడు
నెట్టన హరిఁబొగడ నేరుపరి శేషుఁడు
(॥వీఁడు॥)
కదిసి పనులకె ల్లఁ గాచుకున్న శేషుఁడు
మొదల దేవతలెల్లా మొక్కే శేషుఁడు
అదె శ్రీవేంకటపతి కలమేలుమంగకును
పదరక యేపొద్దూ పానుపైన శేషుఁడు
(||pallavi||)
vīm̐ḍu gade śheṣhum̐ḍu śhrīveṁkaḍādriśheṣhum̐ḍu
vem̐ḍuga garuḍanidom̐bĕnnuddaina śheṣhum̐ḍu
(||vīm̐ḍu||)
veyivaḍigĕladoḍa vĕlasina śheṣhum̐ḍu
sāyameni taḽugu vajrāla śheṣhum̐ḍu
māyani śhirasulabai māṇigāla śheṣhum̐ḍu
ye yĕḍa harigi nīḍai yem̐geḍi śheṣhum̐ḍu
(||vīm̐ḍu||)
paṭṭabu vāhanamaina baṁgāru śheṣhum̐ḍu
suṭṭu suṭṭugŏnina miṁchula śheṣhum̐ḍu
naṭṭugŏnna rĕṁḍuvelunālugala śheṣhum̐ḍu
nĕṭṭana harim̐bŏgaḍa nerubari śheṣhum̐ḍu
(||vīm̐ḍu||)
kadisi panulagĕ llam̐ gāsugunna śheṣhum̐ḍu
mŏdala devadalĕllā mŏkke śheṣhum̐ḍu
adĕ śhrīveṁkaḍabadi kalamelumaṁgagunu
padaraga yebŏddū pānubaina śheṣhum̐ḍu