వీఁడివో లక్ష్మీపతి వీఁడివో సర్వేశుఁడు
(॥పల్లవి॥)
వీఁడివో లక్ష్మీపతి వీఁడివో సర్వేశుఁడు
వీఁడివో కోనేటిదండ విహరించే దేవుఁడు
(॥వీఁడి॥)
కొండ గొడగుగ నెత్తి గోవులఁ గాచె నాఁడు
కొండవంటి దానవునిఁ గోరి చించెను
కొండ శ్రీవేంకటమెక్కి కొలువున్నాఁ డప్పటిని
కొండవంటి దేవుఁ డిదే కోనేటికఱుతను
(॥వీఁడి॥)
మాఁకుల మద్దులు దొబ్బి మరి కల్పభూజమనే-
మాఁకు వెరికి తెచ్చెను మహిమీఁదికి
మాఁకుమీఁద నెక్కి గొల్ల మగువల చీరలిచ్చి
మాఁకుల కోనేటిదండ మరిగినాఁ డిదివో
(॥వీఁడి॥)
శేషుని పడగెనీడఁ జేరి యశోద యింటికి
శేషజాతి కాళింగుఁ జిక్కించి కాచె
శేషాచలమనేటి శ్రీవేంకటాదిపై
శేషమై కోనేటిదండఁ జెలఁగీని దేవుఁడు
(||pallavi||)
vīm̐ḍivo lakṣhmībadi vīm̐ḍivo sarveśhum̐ḍu
vīm̐ḍivo koneḍidaṁḍa vihariṁche devum̐ḍu
(||vīm̐ḍi||)
kŏṁḍa gŏḍaguga nĕtti govulam̐ gāsĕ nām̐ḍu
kŏṁḍavaṁṭi dānavunim̐ gori siṁchĕnu
kŏṁḍa śhrīveṁkaḍamĕkki kŏluvunnām̐ ḍappaḍini
kŏṁḍavaṁṭi devum̐ ḍide koneḍigaṟudanu
(||vīm̐ḍi||)
mām̐kula maddulu dŏbbi mari kalbabhūjamane-
mām̐ku vĕrigi tĕchchĕnu mahimīm̐digi
mām̐kumīm̐da nĕkki gŏlla maguvala sīralichchi
mām̐kula koneḍidaṁḍa mariginām̐ ḍidivo
(||vīm̐ḍi||)
śheṣhuni paḍagĕnīḍam̐ jeri yaśhoda yiṁṭigi
śheṣhajādi kāḽiṁgum̐ jikkiṁchi kāsĕ
śheṣhāsalamaneḍi śhrīveṁkaḍādibai
śheṣhamai koneḍidaṁḍam̐ jĕlam̐gīni devum̐ḍu