వీఁడివో కొలువున్నాఁడు విట్ఠలేశుఁడు
(॥పల్లవి॥)
వీఁడివో కొలువున్నాఁడు విట్ఠలేశుఁడు
మూఁడుమూర్తుల తేజపు మూల మీతఁడు
(॥వీడివో॥)
పంతముతో పాండవపక్షపాతి యీతఁడు
వింతలేని విదురునివిందు యీతఁడు
మంతు కెక్కిన ద్రౌపదీ మాన రక్షకుఁడీతఁడు
చెంతనే వుద్ధపు పాలి చింతామణి యీతఁడు
(॥వీడివో॥)
మంద గొల్లెత లకెల్లా మంగళసూత్ర మీతఁడు
కందువ నక్రూరుని భాగ్యం బీతఁడు
నంద గోప యశోదల నవ నిధాన మీతఁడు
అందపు రుక్మిణీ మనోహరుఁ డీతఁడు
(॥వీడివో॥)
దేవకీ వసుదేవుల దివ్యపద వీతఁడు
భావింప నందరి పర బ్రహ్మ మీతఁడు
కైవశమై దాసులకు కల్ప వృక్ష మీతఁడు
శ్రీ వేంకటాద్రి మీఁదిశ్రీ పతి యీతఁడు
(||pallavi||)
vīm̐ḍivo kŏluvunnām̐ḍu viṭṭhaleśhum̐ḍu
mūm̐ḍumūrdula tejabu mūla mīdam̐ḍu
(||vīḍivo||)
paṁtamudo pāṁḍavabakṣhabādi yīdam̐ḍu
viṁtaleni viduruniviṁdu yīdam̐ḍu
maṁtu kĕkkina draubadī māna rakṣhagum̐ḍīdam̐ḍu
sĕṁtane vuddhabu pāli siṁtāmaṇi yīdam̐ḍu
(||vīḍivo||)
maṁda gŏllĕda lagĕllā maṁgaḽasūtra mīdam̐ḍu
kaṁduva nakrūruni bhāgyaṁ bīdam̐ḍu
naṁda goba yaśhodala nava nidhāna mīdam̐ḍu
aṁdabu rukmiṇī manoharum̐ ḍīdam̐ḍu
(||vīḍivo||)
devagī vasudevula divyabada vīdam̐ḍu
bhāviṁpa naṁdari para brahma mīdam̐ḍu
kaivaśhamai dāsulagu kalba vṛkṣha mīdam̐ḍu
śhrī veṁkaḍādri mīm̐diśhrī padi yīdam̐ḍu