వీఁడివో కలశాపుర వీరహనుమంతుడు
(॥పల్లవి॥)
వీఁడివో కలశాపుర వీరహనుమంతుడు
వాఁడిమి మెరసినట్టి వజ్రపాణి యితఁడు
(॥వీడివో॥)
చలపట్టి జంగచాఁచి జలధి దాఁటినవాఁడు
తల కొన్న రాముని ప్రతాపపువాఁడు
యెలమి సీతకుంగరమిచ్చి మెప్పించినవాఁడు
కలగుండు వడ లంకఁ గాలిచినవాఁడు
(॥వీడివో॥)
మగిడి రాఘవునకు మణి దెచ్చినట్టివాఁడు
గగనము మోచిన కాయమువాఁడు
మొగి సూర్యునిచే శాస్త్రములు చదివినవాఁడు
పగటున మీఁది బ్రహ్మ పట్టమేలే వాఁడు
(॥వీడివో॥)
యిప్పుడూఁ బ్రాణముతోనే యిల దేవుఁడైనవాఁడు
చెప్పఁగొత్తైనమహిమ జెన్నొందువాఁడు
ముప్పిరి శ్రీ వేంకటేశు మూల బలమైన వాఁడు
వొప్పగు వరా లిందరి కొసగేటివాఁడు
(||pallavi||)
vīm̐ḍivo kalaśhābura vīrahanumaṁtuḍu
vām̐ḍimi mĕrasinaṭṭi vajrabāṇi yidam̐ḍu
(||vīḍivo||)
salabaṭṭi jaṁgasām̐si jaladhi dām̐ṭinavām̐ḍu
tala kŏnna rāmuni pradābabuvām̐ḍu
yĕlami sīdaguṁgaramichchi mĕppiṁchinavām̐ḍu
kalaguṁḍu vaḍa laṁkam̐ gālisinavām̐ḍu
(||vīḍivo||)
magiḍi rāghavunagu maṇi dĕchchinaṭṭivām̐ḍu
gaganamu mosina kāyamuvām̐ḍu
mŏgi sūryunise śhāstramulu sadivinavām̐ḍu
pagaḍuna mīm̐di brahma paṭṭamele vām̐ḍu
(||vīḍivo||)
yippuḍūm̐ brāṇamudone yila devum̐ḍainavām̐ḍu
sĕppam̐gŏttainamahima jĕnnŏṁduvām̐ḍu
muppiri śhrī veṁkaḍeśhu mūla balamaina vām̐ḍu
vŏppagu varā liṁdari kŏsageḍivām̐ḍu