వీఁడిగో నిలుచున్నాఁడు విజనగరములోన
(॥పల్లవి॥)
వీఁడిగో నిలుచున్నాఁడు విజనగరములోన
పేఁడుకొన్న ప్రతాపానఁ బెద్దహనుమంతుఁడు
(॥వీఁడి॥)
ఇదె పుట్టు గౌపీనము హేమ కుండలములతో-
నుదయించినాఁ డితఁ డుర్విమీఁదను
పదరి బాలార్కుని పండనుచుఁ బట్టినాఁడు
వదలక దేవతల వర మందినాఁడు
(॥వీఁడి॥)
నులిచి తా వాలము మిన్నులు మోవఁ జూఁచినాఁడు
జలధి దాఁటఁగ జంగ చాఁచినాఁడు
ఇల నసురలమీఁద వలచెయ్యెత్తినవాఁడు
నిలువెల్ల సాహసమై నిండుకొనున్నాఁడు
(॥వీఁడి॥)
పెక్కు పండ్ల గొలలు పిడికిలించినవాఁడు
మిక్కిలి లంక సాధించి మించినవాఁడు
ఇక్కువతో శ్రీవేంకటేశ్వరు బంటైనవాఁడు
తక్కక లోకములెల్లా దయఁ గాచేవాఁడు
(||pallavi||)
vīm̐ḍigo nilusunnām̐ḍu vijanagaramulona
pem̐ḍugŏnna pradābānam̐ bĕddahanumaṁtum̐ḍu
(||vīm̐ḍi||)
idĕ puṭṭu gaubīnamu hema kuṁḍalamulado-
nudayiṁchinām̐ ḍidam̐ ḍurvimīm̐danu
padari bālārguni paṁḍanusum̐ baṭṭinām̐ḍu
vadalaga devadala vara maṁdinām̐ḍu
(||vīm̐ḍi||)
nulisi tā vālamu minnulu movam̐ jūm̐sinām̐ḍu
jaladhi dām̐ṭam̐ga jaṁga sām̐sinām̐ḍu
ila nasuralamīm̐da valasĕyyĕttinavām̐ḍu
niluvĕlla sāhasamai niṁḍugŏnunnām̐ḍu
(||vīm̐ḍi||)
pĕkku paṁḍla gŏlalu piḍigiliṁchinavām̐ḍu
mikkili laṁka sādhiṁchi miṁchinavām̐ḍu
ikkuvado śhrīveṁkaḍeśhvaru baṁṭainavām̐ḍu
takkaga logamulĕllā dayam̐ gāsevām̐ḍu