వీడెపుఁ బెదవితోడి విట్ఠలేశుఁడు
(॥పల్లవి॥)
వీడెపుఁ బెదవితోడి విట్ఠలేశుఁడు
వేడుకలే పచరించీ విట్ఠలేశుఁడు
(॥॥)
నిలుచున్నాఁ డలవాఁడు నిక్కి నామోము చూచి
వెలుపల సన్న సేసె విట్ఠలేశుఁడు
సెలవుల నవ్వి చెలితోడ మాటలాడి
వెలుగొందీ సొమ్ములతో విట్ఠలేశుఁడు
(॥॥)
కన్నులచే మెచ్చుమెచ్చి కందువకుఁజేయిచాఁచి
విన్నపము లడిగీని విట్టలేశుఁడు
తన్నుఁ దానె విఱ్ఱవీఁగీ తన మీఁద నానవెట్టీ
వెన్నతిన్ననోరితోడి విట్ఠలేశుఁడు
(॥॥)
బడిబడినే వచ్చి పై కొని నన్నుఁగూడి
విడువఁడు నాచెఱఁగు విట్ఠలేశుఁడు
కడుఁగడుఁ దమకించీ కప్పురమే చేతికిచ్చి
వెడఁగు శ్రీ వేంకటాద్రిం విట్ఠలేశుఁడు
(||pallavi||)
vīḍĕbum̐ bĕdavidoḍi viṭṭhaleśhum̐ḍu
veḍugale pasariṁchī viṭṭhaleśhum̐ḍu
(||||)
nilusunnām̐ ḍalavām̐ḍu nikki nāmomu sūsi
vĕlubala sanna sesĕ viṭṭhaleśhum̐ḍu
sĕlavula navvi sĕlidoḍa māḍalāḍi
vĕlugŏṁdī sŏmmulado viṭṭhaleśhum̐ḍu
(||||)
kannulase mĕchchumĕchchi kaṁduvagum̐jeyisām̐si
vinnabamu laḍigīni viṭṭaleśhum̐ḍu
tannum̐ dānĕ viṭravīm̐gī tana mīm̐da nānavĕṭṭī
vĕnnadinnanoridoḍi viṭṭhaleśhum̐ḍu
(||||)
baḍibaḍine vachchi pai kŏni nannum̐gūḍi
viḍuvam̐ḍu nāsĕṟam̐gu viṭṭhaleśhum̐ḍu
kaḍum̐gaḍum̐ damagiṁchī kappurame sedigichchi
vĕḍam̐gu śhrī veṁkaḍādriṁ viṭṭhaleśhum̐ḍu