వేడుకకాఁడవై విడివడి తిరిగేవు తుమ్మెదరో
(॥పల్లవి॥)
వేడుకకాఁడవై విడివడి తిరిగేవు తుమ్మెదరో
చూడఁ జూడఁగఁ దొంటి చూపు దప్పకువయ్య తుమ్మెదరో
(॥వేడు॥)
తలఁపుదామరలోన తావై యుండుదు నీవు తుమ్మెదరో
తలఁపఁగ నీవె తలఁప వైతివి మమ్ముఁదుమ్మెదరో
పొలయఁ గమ్మని తావి పొందునఁ దిరిగేవు తుమ్మెదరో
పొలసినీ తిరిగేటి పొందులెఱుంగుదుము తుమ్మెదరో
(॥వేడు॥)
పచ్చని విలుకాని బంటవైతివిగద తుమ్మెదరో
మచ్చిక తలఁపులు మనలోనె సరివోలు తుమ్మెదరో
అచ్చపుదీమస మందరి కెక్కడిదయ్య తుమ్మెదరో
చిచ్చువటి వెన్నెల చెలిమి సేయకువయ్య తుమ్మెదరో
(॥వేడు॥)
తిరువేంకటాద్రిపైఁ దిరమై నిలిచినట్టి తుమ్మెదరో
పరమయోగుల పూలఁ బరిమళములు గొన్న తుమ్మెదరో
కరుణించి మామీఁదఁగలిగిన యీప్రేమ తుమ్మెదరో
ఇరవాయె నిటువలె నెలసివుండంగదవె తుమ్మెదరో
(||pallavi||)
veḍugagām̐ḍavai viḍivaḍi tirigevu tummĕdaro
sūḍam̐ jūḍam̐gam̐ dŏṁṭi sūbu dappaguvayya tummĕdaro
(||veḍu||)
talam̐pudāmaralona tāvai yuṁḍudu nīvu tummĕdaro
talam̐pam̐ga nīvĕ talam̐pa vaidivi mammum̐dummĕdaro
pŏlayam̐ gammani tāvi pŏṁdunam̐ dirigevu tummĕdaro
pŏlasinī tirigeḍi pŏṁdulĕṟuṁgudumu tummĕdaro
(||veḍu||)
pachchani vilugāni baṁṭavaidivigada tummĕdaro
machchiga talam̐pulu manalonĕ sarivolu tummĕdaro
achchabudīmasa maṁdari kĕkkaḍidayya tummĕdaro
sichchuvaḍi vĕnnĕla sĕlimi seyaguvayya tummĕdaro
(||veḍu||)
tiruveṁkaḍādribaim̐ diramai nilisinaṭṭi tummĕdaro
paramayogula pūlam̐ barimaḽamulu gŏnna tummĕdaro
karuṇiṁchi māmīm̐dam̐galigina yīprema tummĕdaro
iravāyĕ niḍuvalĕ nĕlasivuṁḍaṁgadavĕ tummĕdaro