(॥పల్లవి॥)
వేడుకతో నుండుఁ గాని వేసరీఁ జుమ్మీ
జాడతో నా విన్నప మిచ్చట వినుమనవే
(॥॥)
వనితలు తనుఁ గంటే వదలి వూరకుందురా
పెనఁగక తక్కుదురా ప్రియముతోను
చనవునఁ బై పై సరస మాడక విడుతురా
వొసర నన్నిటికిని వోరుచు కొమ్మనవే
(॥॥)
ఆయములు సోకిఁతే నాసలఁ బోనిత్తురా
పాయపు మదముతోడఁ బాయఁగలరా
చేయి చాఁచి నవ్వక సిగ్గులు వడుదురా
యీయెడ మా కోరికె లీడేర్చు మనవే
(॥॥)
నిచ్చలు రతి వేళల నేరుపు మరతురా
విచ్చన వీడైన చోట నీఁగుదురా
ఇచ్చట శ్రీ వేంకటేఁశు డే నలమేలుమంగను
మచ్చికతో నన్నుఁ గూడె మన్నించు మనవే.
(||pallavi||)
veḍugado nuṁḍum̐ gāni vesarīm̐ jummī
jāḍado nā vinnaba michchaḍa vinumanave
(||||)
vanidalu tanum̐ gaṁṭe vadali vūraguṁdurā
pĕnam̐gaga takkudurā priyamudonu
sanavunam̐ bai pai sarasa māḍaga viḍudurā
vŏsara nanniḍigini vorusu kŏmmanave
(||||)
āyamulu sogim̐te nāsalam̐ bonitturā
pāyabu madamudoḍam̐ bāyam̐galarā
seyi sām̐si navvaga siggulu vaḍudurā
yīyĕḍa mā korigĕ līḍersu manave
(||||)
nichchalu radi veḽala nerubu maradurā
vichchana vīḍaina soḍa nīm̐gudurā
ichchaḍa śhrī veṁkaḍem̐śhu ḍe nalamelumaṁganu
machchigado nannum̐ gūḍĕ manniṁchu manave.