వేడుకపడేముగాక వెంగెమాడేమా నిన్ను
(॥పల్లవి॥)
వేడుకపడేముగాక వెంగెమాడేమా నిన్ను
వాడలో నాపెతో నేము వాదడిచేమా
(॥వేడుక॥)
ఏయింతికి వలతువు యిట్టె నిజమాడుమంటే
మాయలు సేసి మాటలు మఱపించేవు
ఆయము లెఱఁగ నేము అరుహులము గామా
చాయల నిన్నంతలోనే సాదించేమా
(॥వేడుక॥)
ఎంత చక్కనిది యాపె యిట్టె నేఁజూచేనంటే
దంతపు నవ్వుల జాణతనమాడేవు
ఇంతటి నీ మేలుచూడ యిందుకును దగమా
అంతలోనే నిన్ను పెద్ద ఆరడిఁ బెట్టేమా
(॥వేడుక॥)
ఏమని యడుగు నిన్ను యిట్టె నీ ప్రియురాలంటే
కామించి పరాకుసేసి కౌఁగిలించేవు
చేముంచి శ్రీ వేంకటేశ చేకొంటివిదె నన్ను
ఆమగువఁ దెచ్చుకొంటే అడ్డమాడేమా
(||pallavi||)
veḍugabaḍemugāga vĕṁgĕmāḍemā ninnu
vāḍalo nābĕdo nemu vādaḍisemā
(||veḍuga||)
eyiṁtigi valaduvu yiṭṭĕ nijamāḍumaṁṭe
māyalu sesi māḍalu maṟabiṁchevu
āyamu lĕṟam̐ga nemu aruhulamu gāmā
sāyala ninnaṁtalone sādiṁchemā
(||veḍuga||)
ĕṁta sakkanidi yābĕ yiṭṭĕ nem̐jūsenaṁṭe
daṁtabu navvula jāṇadanamāḍevu
iṁtaḍi nī melusūḍa yiṁdugunu dagamā
aṁtalone ninnu pĕdda āraḍim̐ bĕṭṭemā
(||veḍuga||)
emani yaḍugu ninnu yiṭṭĕ nī priyurālaṁṭe
kāmiṁchi parāgusesi kaum̐giliṁchevu
semuṁchi śhrī veṁkaḍeśha segŏṁṭividĕ nannu
āmaguvam̐ dĕchchugŏṁṭe aḍḍamāḍemā