వేడుక నెవ్వతెరా విడుపక నిన్నంటి
(॥పల్లవి॥)
వేడుక నెవ్వతెరా విడుపక నిన్నంటి
వాడుదేరే వలపుల వన్నెలు వెట్టినది
(॥వేడు॥)
గద్దరి యెవ్వతెరా నీ గారవంపు చెక్కున
నిద్దంపు చంద్రరేఖ నిలిపినది
అద్దిరా దానిగయ్యాళితనమెట్టిదో
ముద్దుఁదనమోహము నీ మోహమున రాచినది
(॥వేడు॥)
దిట్టైన యది యెవ్వతెర నీ యధరమందు
కొట్టఁగొన మరుచిలుకులొత్తినది
గట్టిగఁ జూడర దానిగబ్బితనమెట్టిదో తన-
గుట్టెల్ల నీకు నాకున వ్రాసెంపినది
(॥వేడు॥)
చక్కనిదెవ్వతెర నీ సరిలేని మేనఁ దన-
మిక్కుటంపు మేనితావి మేళవించినది
అక్కరగాఁ దిరువేంకటాధీశ కూడితివి
మక్కువతో నీకు పరిమళములంపినది
(||pallavi||)
veḍuga nĕvvadĕrā viḍubaga ninnaṁṭi
vāḍudere valabula vannĕlu vĕṭṭinadi
(||veḍu||)
gaddari yĕvvadĕrā nī gāravaṁpu sĕkkuna
niddaṁpu saṁdrarekha nilibinadi
addirā dānigayyāḽidanamĕṭṭido
muddum̐danamohamu nī mohamuna rāsinadi
(||veḍu||)
diṭṭaina yadi yĕvvadĕra nī yadharamaṁdu
kŏṭṭam̐gŏna marusilugulŏttinadi
gaṭṭigam̐ jūḍara dānigabbidanamĕṭṭido tana-
guṭṭĕlla nīgu nāguna vrāsĕṁpinadi
(||veḍu||)
sakkanidĕvvadĕra nī sarileni menam̐ dana-
mikkuḍaṁpu menidāvi meḽaviṁchinadi
akkaragām̐ diruveṁkaḍādhīśha kūḍidivi
makkuvado nīgu parimaḽamulaṁpinadi