వేడుక లెట్టివో మీకు విన వేడుకయ్యీ మాకు
(॥పల్లవి॥)
వేడుక లెట్టివో మీకు విన వేడుకయ్యీ మాకు
ఆడిక కోడవు మాతో నానతియ్యవయ్యా
(॥వేడు॥)
చెంపలతురుముతోడ సెలవినవ్వులతోడ
యింపులు చల్లీ నీపై నెవ్వతెయ్యా
దింపరానియాసతోడ తీరనిముచ్చటతోడ-
నంపలేక మాటలాడే వాపె నీ వయ్యా
(॥వేడు॥)
పుక్కిటివిడెముతోడ పొతపుసిగ్గులతోడ
యిక్కువఁ గాచుకున్నది యెవ్వతెయ్యా
లక్కవంటిమనసుతో లలి నిట్టచూపుతోడ-
నక్కరలెల్లాఁ జల్లే వౌనయ్య నీవూ
(॥వేడు॥)
వాడిక మొక్కులతోడ వావులపొందులతోడ
యీడుజోడై పెనఁగీ నెవ్వతెయ్యా
కూడితి వింతలో నీవు గొబ్బున శ్రీవేంకటేశ
యీడ న్ను నేలితివి యిదియు నౌనయ్యా
(||pallavi||)
veḍuga lĕṭṭivo mīgu vina veḍugayyī māgu
āḍiga koḍavu mādo nānadiyyavayyā
(||veḍu||)
sĕṁpaladurumudoḍa sĕlavinavvuladoḍa
yiṁpulu sallī nībai nĕvvadĕyyā
diṁparāniyāsadoḍa tīranimuchchaḍadoḍa-
naṁpalega māḍalāḍe vābĕ nī vayyā
(||veḍu||)
pukkiḍiviḍĕmudoḍa pŏdabusigguladoḍa
yikkuvam̐ gāsugunnadi yĕvvadĕyyā
lakkavaṁṭimanasudo lali niṭṭasūbudoḍa-
nakkaralĕllām̐ jalle vaunayya nīvū
(||veḍu||)
vāḍiga mŏkkuladoḍa vāvulabŏṁduladoḍa
yīḍujoḍai pĕnam̐gī nĕvvadĕyyā
kūḍidi viṁtalo nīvu gŏbbuna śhrīveṁkaḍeśha
yīḍa nnu nelidivi yidiyu naunayyā