వెడమంత్ర మిఁకనేల వేరువెల్లంకులు నేల
(॥పల్లవి॥)
వెడమంత్ర మిఁకనేల వేరువెల్లంకులు నేల
పుడమిధరుఁడు మాఁకు భువనౌషధము
(॥వెడ॥)
హరి యచ్యుతాయంటే నణఁగుఁ బాపములు
నరసింహ యనియంటే నాఁటినదుఁఖములు మాను
పురుషోత్తమాయంటేఁ బుండ్లు బూచులు మాను
పరమౌషధ మీతఁడే పాటింప మాకు
(॥వెడ॥)
వాసుదేవ యనియంటే వదలు బంధములెల్లా
వాసికి గృష్ణాయంటే వంతలరోగాలు మాను
శ్రీసతీశ యనియంటే చింతలిన్నియును మాను
గాసిదీర నితడేపో ఘనదివ్యౌషధము
(॥వెడ॥)
గోవిందా యనియంటేఁ గూడును సంపదలు
యీవల మాధవయంటే నిహముఁ బరముఁ జేరు
దేవ నారాయణయంటే దేహము సుఖియై యుండు
శ్రీవేంకటేశుఁడే మాకు సిద్ధౌషధము
(||pallavi||)
vĕḍamaṁtra mim̐kanela veruvĕllaṁkulu nela
puḍamidharum̐ḍu mām̐ku bhuvanauṣhadhamu
(||vĕḍa||)
hari yachyudāyaṁṭe naṇam̐gum̐ bābamulu
narasiṁha yaniyaṁṭe nām̐ṭinadum̐khamulu mānu
puruṣhottamāyaṁṭem̐ buṁḍlu būsulu mānu
paramauṣhadha mīdam̐ḍe pāḍiṁpa māgu
(||vĕḍa||)
vāsudeva yaniyaṁṭe vadalu baṁdhamulĕllā
vāsigi gṛṣhṇāyaṁṭe vaṁtalarogālu mānu
śhrīsadīśha yaniyaṁṭe siṁtalinniyunu mānu
gāsidīra nidaḍebo ghanadivyauṣhadhamu
(||vĕḍa||)
goviṁdā yaniyaṁṭem̐ gūḍunu saṁpadalu
yīvala mādhavayaṁṭe nihamum̐ baramum̐ jeru
deva nārāyaṇayaṁṭe dehamu sukhiyai yuṁḍu
śhrīveṁkaḍeśhum̐ḍe māgu siddhauṣhadhamu