(॥పల్లవి॥)
వెదకిన నిదియే వేదాంతార్థము
మొదలు తుదలు హరిమూలంబు
(॥వెదకి॥)
మునుకొని అవయవములు యెన్నైనా
పనివడి శిరసే ప్రధానము
యెనలేని సురలు యెందరు గలిగిన
మునుపటి హరియే మూలంబు
(॥వెదకి॥)
మోవని యింద్రియములు యెన్నైనా
భావపు మనసే ప్రధానము
యీవల మతములు యెన్ని గలిగినా
మూవురలో హరి మూలంబు
(॥వెదకి॥)
యెరవగు గుణములు యెన్ని గలిగినా
పరమ జ్ఞానము ప్రధానము
యిరవుగ శ్రీ వేంకటేశ్వరు నామమే
సరవి మంత్రముల సారంబు
(||pallavi||)
vĕdagina nidiye vedāṁtārdhamu
mŏdalu tudalu harimūlaṁbu
(||vĕdagi||)
munugŏni avayavamulu yĕnnainā
panivaḍi śhirase pradhānamu
yĕnaleni suralu yĕṁdaru galigina
munubaḍi hariye mūlaṁbu
(||vĕdagi||)
movani yiṁdriyamulu yĕnnainā
bhāvabu manase pradhānamu
yīvala madamulu yĕnni galiginā
mūvuralo hari mūlaṁbu
(||vĕdagi||)
yĕravagu guṇamulu yĕnni galiginā
parama jñānamu pradhānamu
yiravuga śhrī veṁkaḍeśhvaru nāmame
saravi maṁtramula sāraṁbu