వట్టియాసలకు లోనై వదలక తిరిగాడేవు
(॥పల్లవి॥)
వట్టియాసలకు లోనై వదలక తిరిగాడేవు
బట్టబయలు యీసంసారంబని గుట్టుదెలియలేవు ప్రాణీ
(॥పట్టి॥)
చాల నమ్మి యీ సంసారమునకు సోలిసోలి తిరిగేవు
బాలయవ్వనప్రౌఢల భ్రమఁబడి లోలుఁడవై తిరిగేవు
మేలుదెలియ కతికాముకుండవై మీఁదెఱఁగక తిరిగేవు
మాలెమీఁద పరు వెందాఁకా నీమచ్చిక విడువఁగ లేవు
(॥పట్టి॥)
మానితముగ దురన్నపానముల మత్తుఁడవై వుండేవు
నానావిధములదుష్కర్మంబులు నానాటికి నాటించేవు
మేనిలోని యేగురు నార్గురును మిత్రులనుచు నమ్మేవు
ఆనందంబున నాకర్మమునకు అధిపతులని తెలియఁగలేవు
(॥పట్టి॥)
పామరివై దుర్వ్యాపారమునకుపలుమారునుఁ బొయ్యేవు
వేమరు దుర్జనసంగాతంబులు విశ్రామమనుచు నుండేవు
ప్రేమముతో హరిదాసులపై సంప్రీతి నిలుపఁగాలేవు
తామసమతివయి వేంకటనాథునితత్వ మెఱఁగఁగాలేవు
(||pallavi||)
vaṭṭiyāsalagu lonai vadalaga tirigāḍevu
baṭṭabayalu yīsaṁsāraṁbani guṭṭudĕliyalevu prāṇī
(||paṭṭi||)
sāla nammi yī saṁsāramunagu solisoli tirigevu
bālayavvanaprauḍhala bhramam̐baḍi lolum̐ḍavai tirigevu
meludĕliya kadigāmuguṁḍavai mīm̐dĕṟam̐gaga tirigevu
mālĕmīm̐da paru vĕṁdām̐kā nīmachchiga viḍuvam̐ga levu
(||paṭṭi||)
mānidamuga durannabānamula mattum̐ḍavai vuṁḍevu
nānāvidhamuladuṣhkarmaṁbulu nānāḍigi nāḍiṁchevu
meniloni yeguru nārgurunu mitrulanusu nammevu
ānaṁdaṁbuna nāgarmamunagu adhibadulani tĕliyam̐galevu
(||paṭṭi||)
pāmarivai durvyābāramunagubalumārunum̐ bŏyyevu
vemaru durjanasaṁgādaṁbulu viśhrāmamanusu nuṁḍevu
premamudo haridāsulabai saṁprīdi nilubam̐gālevu
tāmasamadivayi veṁkaḍanāthunidatva mĕṟam̐gam̐gālevu