వట్టిజోలి యెంత లేదు వైరాగ్యమే సుఖము
(॥పల్లవి॥)
వట్టిజోలి యెంత లేదు వైరాగ్యమే సుఖము
నెట్టుకొని వివేకింప నేరవలెఁ గాని
(॥వట్టి॥)
కట్టుకొంటే నెంతైనాఁ గలదు సంసారము
పట్టి చేసితేఁ గలవు పనులెన్నైనా
చుట్టుకొంటే నూరఁగల చుట్టరికముఁగలదు
అట్టె మోక్షము గడించే దరు దింతేకాని
(॥వట్టి॥)
చేసేనంటేఁ గలవు సేనా సేన పనులు
లాసి తగిలించు కొంటే లంపటా లంటు
ఆసలు పెంచ జూచితే నంత కంతకుఁ బెరుగు
వేసిరి శాంతిఁబొందుటే వేడు కింతేఁకాని
(॥వట్టి॥)
పనిగొంటేఁ బెనుగొనుఁ బంచేంద్రియంబులు
వెనుకొంటేఁ జిమ్మిరేఁచు వేడుకలు
తనిసి శ్రీ వేంకటేశు దసానుదాసుఁడై
కొన కెక్కఁగ నాతనిఁ గొలువవలెఁగాని
(||pallavi||)
vaṭṭijoli yĕṁta ledu vairāgyame sukhamu
nĕṭṭugŏni vivegiṁpa neravalĕm̐ gāni
(||vaṭṭi||)
kaṭṭugŏṁṭe nĕṁtainām̐ galadu saṁsāramu
paṭṭi sesidem̐ galavu panulĕnnainā
suṭṭugŏṁṭe nūram̐gala suṭṭarigamum̐galadu
aṭṭĕ mokṣhamu gaḍiṁche daru diṁtegāni
(||vaṭṭi||)
sesenaṁṭem̐ galavu senā sena panulu
lāsi tagiliṁchu kŏṁṭe laṁpaḍā laṁṭu
āsalu pĕṁcha jūside naṁta kaṁtagum̐ bĕrugu
vesiri śhāṁtim̐bŏṁduḍe veḍu kiṁtem̐kāni
(||vaṭṭi||)
panigŏṁṭem̐ bĕnugŏnum̐ baṁcheṁdriyaṁbulu
vĕnugŏṁṭem̐ jimmirem̐su veḍugalu
tanisi śhrī veṁkaḍeśhu dasānudāsum̐ḍai
kŏna kĕkkam̐ga nādanim̐ gŏluvavalĕm̐gāni