(॥పల్లవి॥)
వట్టి విచారములేల వగపులేల
నెట్టన శ్రీహరిఁ జేర నేరవలెఁ గాక
(॥వట్టి॥)
కాల మేమి సేసీని కర్మ మేమి సేసీని
యేలిన శ్రీరమణుఁడె యెదనుండఁగా
ఆలించిన ధ్రువునిని అజామిళునిని
కాల మేమిసేసె నయ్య కర్మ మేమిసేసెను
(॥వట్టి॥)
పాప మేమి సేసీని పగ యేమి వేసీని
కాపాడె దేవుఁడె దగ్గరనుండఁగా
యేపున ఘంటాకర్ణుని యెలమిఁ బ్రహ్లదుని
పాప మేమి సేసెనయ్య పగయేమి సేసెను
(॥వట్టి॥)
కుల మేమి సేసీని గుణ మేమి సేసీని
నలువైన శ్రీవెంకటనాథుఁ డుండఁగా
ఆలరి వాల్మీకికి అలనాఁ డహల్యకు
కుల మేమి సేసెనయ్య గుణ మేమిసేసెను
(||pallavi||)
vaṭṭi visāramulela vagabulela
nĕṭṭana śhrīharim̐ jera neravalĕm̐ gāga
(||vaṭṭi||)
kāla memi sesīni karma memi sesīni
yelina śhrīramaṇum̐ḍĕ yĕdanuṁḍam̐gā
āliṁchina dhruvunini ajāmiḽunini
kāla memisesĕ nayya karma memisesĕnu
(||vaṭṭi||)
pāba memi sesīni paga yemi vesīni
kābāḍĕ devum̐ḍĕ daggaranuṁḍam̐gā
yebuna ghaṁṭāgarṇuni yĕlamim̐ brahladuni
pāba memi sesĕnayya pagayemi sesĕnu
(||vaṭṭi||)
kula memi sesīni guṇa memi sesīni
naluvaina śhrīvĕṁkaḍanāthum̐ ḍuṁḍam̐gā
ālari vālmīgigi alanām̐ ḍahalyagu
kula memi sesĕnayya guṇa memisesĕnu