వట్టి వలపులుచల్లి వనితలఁ గొసరేవు
(॥పల్లవి॥)
వట్టి వలపులుచల్లి వనితలఁ గొసరేవు
పట్టకు నీవంతేసి బలిమేల వొట్టేవు
(॥వట్టి॥)
చిక్కని తేనెలవంటి చెలియమాటలె నీకు
చెక్కుచేతి చింతలకు జిగురైయంటె
యెక్కడ నెవ్వతెయైనా నేల నీమనసు వచ్చీ
చక్క నూరకుండవయ్య సటలేల సేసేవు
(॥వట్టి॥)
పల్లెతాడువంటి వనితచూపులు నీకు
వుల్లముకోరికలకు నురులైనిల్చె
యెల్లకాంతలుండినాను యేల నీవు మెచ్చేవు
బెల్లించకువయ్య లేనిప్రియాలేల చెప్పేవు
(॥వట్టి॥)
కందువ చక్కెరవంటి కాంతకెమ్మోవి నీకు
మందులై నీకాఁగిటికి మరులుగొల్పె
యిందరి శ్రీవెంకటేశ యిటు నన్నూఁగూడితివి
చందాలు సేయకువయ్య చవులేల చూపేవు
(||pallavi||)
vaṭṭi valabulusalli vanidalam̐ gŏsarevu
paṭṭagu nīvaṁtesi balimela vŏṭṭevu
(||vaṭṭi||)
sikkani tenĕlavaṁṭi sĕliyamāḍalĕ nīgu
sĕkkusedi siṁtalagu jiguraiyaṁṭĕ
yĕkkaḍa nĕvvadĕyainā nela nīmanasu vachchī
sakka nūraguṁḍavayya saḍalela sesevu
(||vaṭṭi||)
pallĕdāḍuvaṁṭi vanidasūbulu nīgu
vullamugorigalagu nurulainilsĕ
yĕllagāṁtaluṁḍinānu yela nīvu mĕchchevu
bĕlliṁchaguvayya lenipriyālela sĕppevu
(||vaṭṭi||)
kaṁduva sakkĕravaṁṭi kāṁtagĕmmovi nīgu
maṁdulai nīgām̐giḍigi marulugŏlbĕ
yiṁdari śhrīvĕṁkaḍeśha yiḍu nannūm̐gūḍidivi
saṁdālu seyaguvayya savulela sūbevu