వట్టి స్వతంత్ర మిందు లేదు వావాద మిందు లేదు
(॥పల్లవి॥)
వట్టి స్వతంత్ర మిందు లేదు వావాద మిందు లేదు
గుట్టు దెలియక లోలో గునిసేరు వీరివో
(॥వట్టి॥)
నేరిచి బ్రదుకువారు నేరక వీఁగేటివారు
యేరీతిఁ జూచినాను యెవ్వరు లేరు
తీరుగాఁ దమలోనుండే దేవుఁడు పెరరేఁచఁగా
మేరతోనే జీవులెల్లా మెరసేరు వీరివో
(॥వట్టి॥)
కొందరు గొప్పజీవులు కొందరు చిన్నజీవులు
యెందుఁ జూచినా భూమి నెవ్వరు లేరు
బొందులే వేరువేరుగాఁ బుట్టించె దేవుఁడే
అందాలు సేయఁగ లోకు లమరేరు వీరివో
(॥వట్టి॥)
అసుర కాణాచివారు అమర కాణాచివారు
యెసఁగ విచారించుకో నెవ్వరు లేరు
వెస శ్రీవేంకటేశుఁడు వినోదించినయట్టు
వసుధ మీఁదటఁ గానవచ్చేరు వీరివో
(||pallavi||)
vaṭṭi svadaṁtra miṁdu ledu vāvāda miṁdu ledu
guṭṭu dĕliyaga lolo guniseru vīrivo
(||vaṭṭi||)
nerisi braduguvāru neraga vīm̐geḍivāru
yerīdim̐ jūsinānu yĕvvaru leru
tīrugām̐ damalonuṁḍe devum̐ḍu pĕrarem̐sam̐gā
meradone jīvulĕllā mĕraseru vīrivo
(||vaṭṭi||)
kŏṁdaru gŏppajīvulu kŏṁdaru sinnajīvulu
yĕṁdum̐ jūsinā bhūmi nĕvvaru leru
bŏṁdule veruverugām̐ buṭṭiṁchĕ devum̐ḍe
aṁdālu seyam̐ga logu lamareru vīrivo
(||vaṭṭi||)
asura kāṇāsivāru amara kāṇāsivāru
yĕsam̐ga visāriṁchugo nĕvvaru leru
vĕsa śhrīveṁkaḍeśhum̐ḍu vinodiṁchinayaṭṭu
vasudha mīm̐daḍam̐ gānavachcheru vīrivo