(॥పల్లవి॥)
వట్టి సిగ్గు లిఁకనేల వనితెల యెదుటను
వెట్టదీర నేము తెర వేతుమా యిద్దరికి
(॥వట్టి॥)
పలుకుఁదేనెల విందు పచ్చిమోవి బాగాలు
కలిగె నేఁడు నీకుఁ గాంతవల్లను
పులక పువ్వుల సే బుసకొట్టు సురట్లు
నెలఁత చేకొనె నిదె నీవల్లను
(॥వట్టి॥)
సిరుల నవ్వుగందాలు చెమటల పన్నీరు
దొరకె నేఁడు నీకు తొయ్యలివల్ల
సరసపుఁ బొంతనాలు సళుపుగోరి సొమ్ములు
నిరతినాపెకుఁ గూడె నీవల్లను
(॥వట్టి॥)
గబ్బి బొమజంకెనలు కళలమే సుంకువలు
అబ్బెను నేఁడు నీకు నంగనవల్ల
గొబ్బున శ్రీవేంకటేశ కూడితివి జవ్వనికి
నిబ్బరపు తమి నిండె నీవల్లను
(||pallavi||)
vaṭṭi siggu lim̐kanela vanidĕla yĕduḍanu
vĕṭṭadīra nemu tĕra vedumā yiddarigi
(||vaṭṭi||)
palugum̐denĕla viṁdu pachchimovi bāgālu
kaligĕ nem̐ḍu nīgum̐ gāṁtavallanu
pulaga puvvula se busagŏṭṭu suraṭlu
nĕlam̐ta segŏnĕ nidĕ nīvallanu
(||vaṭṭi||)
sirula navvugaṁdālu sĕmaḍala pannīru
dŏragĕ nem̐ḍu nīgu tŏyyalivalla
sarasabum̐ bŏṁtanālu saḽubugori sŏmmulu
niradinābĕgum̐ gūḍĕ nīvallanu
(||vaṭṭi||)
gabbi bŏmajaṁkĕnalu kaḽalame suṁkuvalu
abbĕnu nem̐ḍu nīgu naṁganavalla
gŏbbuna śhrīveṁkaḍeśha kūḍidivi javvanigi
nibbarabu tami niṁḍĕ nīvallanu