(॥పల్లవి॥)
వట్టి చనవులఁ బోతే వాసిగలదా
నెట్టన నీకు మొక్కితే నీవె మెచ్చేవూ
(॥వట్టి॥)
మన్ననగలకాంతలు మాటలాడఁ జెల్లుఁగాక
వున్నవారు మాటాడితే నొద్దికలౌనా
విన్నా విననియట్టు కన్నాఁ గననియట్టు
సన్నల మెలఁగితేనె జాణతనముగాకా
(॥వట్టి॥)
ననుపు గలుగువారు నవ్వినా నమరుఁగాక
వనితలెల్లా నవ్వితే వాడికలౌనా
పెనఁగినాఁ బెనఁగక బిగిసినా బిగియక
మనసులో మెలఁగుటే మంచిదిగాకా
(॥వట్టి॥)
అలమేలుమంగను నే నంటిముట్టఁ జెల్లుఁగాక
వెలుపలివా రంటితే వేడుకలౌనా
నెలవై శ్రీవెంకటేశ నీవు నన్నుఁ గూడితివి
బలిమి మెరయుటే పంతముగాకా
(||pallavi||)
vaṭṭi sanavulam̐ bode vāsigaladā
nĕṭṭana nīgu mŏkkide nīvĕ mĕchchevū
(||vaṭṭi||)
mannanagalagāṁtalu māḍalāḍam̐ jĕllum̐gāga
vunnavāru māḍāḍide nŏddigalaunā
vinnā vinaniyaṭṭu kannām̐ gananiyaṭṭu
sannala mĕlam̐gidenĕ jāṇadanamugāgā
(||vaṭṭi||)
nanubu galuguvāru navvinā namarum̐gāga
vanidalĕllā navvide vāḍigalaunā
pĕnam̐ginām̐ bĕnam̐gaga bigisinā bigiyaga
manasulo mĕlam̐guḍe maṁchidigāgā
(||vaṭṭi||)
alamelumaṁganu ne naṁṭimuṭṭam̐ jĕllum̐gāga
vĕlubalivā raṁṭide veḍugalaunā
nĕlavai śhrīvĕṁkaḍeśha nīvu nannum̐ gūḍidivi
balimi mĕrayuḍe paṁtamugāgā