వట్టి పంతములనేల వసివాడువాడ నీకు
(॥పల్లవి॥)
వట్టి పంతములనేల వసివాడువాడ నీకు
నెట్టన నీవాఁడనని నిలుచుండరాదా
(॥వట్టి॥)
కలికిచూపులు నీకుఁ గలువరేకులెకాక
వెలినుండి యింతలోనే వెట్టలయ్యీనా
పొలసిన విరహానఁ బొరలేవు యీడనుండి
వలచి వచ్చితినంటా వద్దికి రారాదా
(॥వట్టి॥)
కామిని నవ్వులు నీకుఁ గప్పురవిడేలే కాక
చే ముంచి మరివేరే చేఁదయ్యీనా
ఆమని యాసలతోడ నసురుసురయ్యేవిట్టే
దోమటిమోవితేనెలు తొడుకఁగరాదా
(॥వట్టి॥)
కాంతమాటలు నీకుఁ గట్టిన ముడుపు గాక
చింతల నింతలోననే చిల్లరయ్యీనా
యింతట శ్రీవెంకటేశ యెనసితి విందుమండే
పొంతకు వచ్చినందుకు పూఁచి మొక్కరాదా
(||pallavi||)
vaṭṭi paṁtamulanela vasivāḍuvāḍa nīgu
nĕṭṭana nīvām̐ḍanani nilusuṁḍarādā
(||vaṭṭi||)
kaligisūbulu nīgum̐ galuvaregulĕgāga
vĕlinuṁḍi yiṁtalone vĕṭṭalayyīnā
pŏlasina virahānam̐ bŏralevu yīḍanuṁḍi
valasi vachchidinaṁṭā vaddigi rārādā
(||vaṭṭi||)
kāmini navvulu nīgum̐ gappuraviḍele kāga
se muṁchi marivere sem̐dayyīnā
āmani yāsaladoḍa nasurusurayyeviṭṭe
domaḍimovidenĕlu tŏḍugam̐garādā
(||vaṭṭi||)
kāṁtamāḍalu nīgum̐ gaṭṭina muḍubu gāga
siṁtala niṁtalonane sillarayyīnā
yiṁtaḍa śhrīvĕṁkaḍeśha yĕnasidi viṁdumaṁḍe
pŏṁtagu vachchinaṁdugu pūm̐si mŏkkarādā