వసుధఁ జూడ బిన్నవానివలె నున్నవాఁడు
(॥పల్లవి॥)
వసుధఁ జూడ బిన్నవానివలె నున్నవాఁడు
వెస నన్నివిద్యలాను వెలసె విట్ఠలుఁడు
(॥వసు॥)
పరగ నేడు నూటడెబ్బదియేడుగురిచేత-
నిరవై పాడించుకొన్నాఁడీ విట్ఠలుఁడు
సరుస నైదులక్షలిండ్ల జవ్వనపు గొల్లెతల
మరిగించుకొన్నవాఁడు మరి యీ విట్ఠలుఁడు
(॥వసు॥)
బత్తితోడ తనమీఁది పాటలు వాడితేను
యిత్తల మోమై తిరిగె నీ విఠలుడు
హత్తి తన్నొల్లకపోఁగా నందరి మేడ దేవళ్ళ
యెత్తి పాదాలందు జూపె నితఁడే విట్ఠలుఁడు
(॥వసుధఁ॥)
గట్టిగాఁ బుండరీకుఁడు కడువేడుకఁ బెట్టిన-
యిట్టిక పీఁటపై నున్నాఁడీ విఠలుడు
అట్టితానే శ్రీవేంకటాద్రిఁ బాండురంగమున
యెట్టుగొల్చినా వరములిచ్చీ విట్ఠలుఁడు
(||pallavi||)
vasudham̐ jūḍa binnavānivalĕ nunnavām̐ḍu
vĕsa nannividyalānu vĕlasĕ viṭṭhalum̐ḍu
(||vasu||)
paraga neḍu nūḍaḍĕbbadiyeḍuguriseda-
niravai pāḍiṁchugŏnnām̐ḍī viṭṭhalum̐ḍu
sarusa naidulakṣhaliṁḍla javvanabu gŏllĕdala
marigiṁchugŏnnavām̐ḍu mari yī viṭṭhalum̐ḍu
(||vasu||)
battidoḍa tanamīm̐di pāḍalu vāḍidenu
yittala momai tirigĕ nī viṭhaluḍu
hatti tannŏllagabom̐gā naṁdari meḍa devaḽḽa
yĕtti pādālaṁdu jūbĕ nidam̐ḍe viṭṭhalum̐ḍu
(||vasudham̐||)
gaṭṭigām̐ buṁḍarīgum̐ḍu kaḍuveḍugam̐ bĕṭṭina-
yiṭṭiga pīm̐ṭabai nunnām̐ḍī viṭhaluḍu
aṭṭidāne śhrīveṁkaḍādrim̐ bāṁḍuraṁgamuna
yĕṭṭugŏlsinā varamulichchī viṭṭhalum̐ḍu