వనితలఁ గరఁగించు వన్నెకాఁడవు యిట్టె
(॥పల్లవి॥)
వనితలఁ గరఁగించు వన్నెకాఁడవు యిట్టె
తనివి దీరవేమిటఁ దగునయ్య విట్ఠల
(॥వనిత॥)
పైపైనె యేరమణిగుబ్బలతో యిచ్చితివి నీ-
వైపైన కరముల వాఁడిగోళ్ళు
దూపిలిన రతితోడఁ దోయఁ డు చేతులతోడ
యేపుననున్నాఁడవిపుడేమయ్య విట్ఠల
(॥వనిత॥)
పొందైన యేలలన చూపులకొ యిచ్చితివి నీ-
విందైన మురిపెపు వేయిగన్నులు
అందపు రెండుగన్నులరవిరి నీ మోమున
చెందమ్మి రేకులఁ బోలుఁ జెల్లునయ్య విట్ఠల
(॥వనిత॥)
కింకల నేసతికో చిక్కెను నీచిత్తమెల్లను
అంకెల నన్ను నేలితివబ్బురంబుగా
పంకంపుఁ గస్తూరిమేన పండరంగిపతివైన-
వేంకటనగముమీఁది వెడమాయ విట్ఠల
(||pallavi||)
vanidalam̐ garam̐giṁchu vannĕgām̐ḍavu yiṭṭĕ
tanivi dīravemiḍam̐ dagunayya viṭṭhala
(||vanida||)
paibainĕ yeramaṇigubbalado yichchidivi nī-
vaibaina karamula vām̐ḍigoḽḽu
dūbilina radidoḍam̐ doyam̐ ḍu seduladoḍa
yebunanunnām̐ḍavibuḍemayya viṭṭhala
(||vanida||)
pŏṁdaina yelalana sūbulagŏ yichchidivi nī-
viṁdaina muribĕbu veyigannulu
aṁdabu rĕṁḍugannularaviri nī momuna
sĕṁdammi regulam̐ bolum̐ jĕllunayya viṭṭhala
(||vanida||)
kiṁkala nesadigo sikkĕnu nīsittamĕllanu
aṁkĕla nannu nelidivabburaṁbugā
paṁkaṁpum̐ gastūrimena paṁḍaraṁgibadivaina-
veṁkaḍanagamumīm̐di vĕḍamāya viṭṭhala