(॥పల్లవి॥)
వనితభాగ్యంబు దేవరచిత్తము - మాకు
బనిగాదు యింక నీ పాదంబులాన
(॥వనిత॥)
అడబాలసతి బోనమారగించు మటంచు
బడి బడిని కడు విన్నపము సేయఁగా
ఉడుగని పరాకుతో నుండి నెచ్చెలి మీఁద
బడలి వొరగినది నీ పాదంబులాన
(॥వనిత॥)
అడపంబుపతి వీడెమవధరింపుమటంచు
అడరి కప్పురపుఁ బలుకందీయఁగా
కడకంటఁ జూడదిదె కాఁతాళమో మరపొ
పడఁతి యిప్పుడు నీ పాదంబులాన
(॥వనిత॥)
ఆలవట్టము విసరు అతివలను వలదనదు
పాలిండ్లపై కొంగు పచరించదు
యేలాగవునొ వేంకటేశ నీవిపుడిట్టె
పాలించకున్న నీ పాదంబులాన
(||pallavi||)
vanidabhāgyaṁbu devarasittamu - māgu
banigādu yiṁka nī pādaṁbulāna
(||vanida||)
aḍabālasadi bonamāragiṁchu maḍaṁchu
baḍi baḍini kaḍu vinnabamu seyam̐gā
uḍugani parāgudo nuṁḍi nĕchchĕli mīm̐da
baḍali vŏraginadi nī pādaṁbulāna
(||vanida||)
aḍabaṁbubadi vīḍĕmavadhariṁpumaḍaṁchu
aḍari kappurabum̐ balugaṁdīyam̐gā
kaḍagaṁṭam̐ jūḍadidĕ kām̐tāḽamo marabŏ
paḍam̐ti yippuḍu nī pādaṁbulāna
(||vanida||)
ālavaṭṭamu visaru adivalanu valadanadu
pāliṁḍlabai kŏṁgu pasariṁchadu
yelāgavunŏ veṁkaḍeśha nīvibuḍiṭṭĕ
pāliṁchagunna nī pādaṁbulāna