(॥పల్లవి॥)
వనితపాలికిని దేవరవు నీవు
వనమె జవ్వనమిందె వరమియ్యవలెను
(॥వనిత॥)
ముదితకు నీతోమాట మోహనమంత్రము
చదరపు నీవురము జపశాల
మదిలోన నీరూపు మరవని ధ్యానము
వదలరాదిఁక నీవు వరమియ్యవలెను
(॥వనిత॥)
పడఁతికి నీశయ్య బలుపుణ్యక్షేత్రము
వొడలిచెమట నీపై హోమకృత్యము
అడరుమోవితేనెలు ఆరగింపు నవేద్యాలు
వడిఁ జేకొనిఁక నీవు వరమియ్యవలెను
(॥వనిత॥)
కామినికి నీకూటమి ఘనదివ్యయోగము
నేమపుఁ బరవశము నిజానందము
ఆముక శ్రీవేంకటేశ ఆపె నీవుఁ గూడితిరి
వాములుగా నింకానిట్టే వరమియ్యవలెను
(||pallavi||)
vanidabāligini devaravu nīvu
vanamĕ javvanamiṁdĕ varamiyyavalĕnu
(||vanida||)
mudidagu nīdomāḍa mohanamaṁtramu
sadarabu nīvuramu jabaśhāla
madilona nīrūbu maravani dhyānamu
vadalarādim̐ka nīvu varamiyyavalĕnu
(||vanida||)
paḍam̐tigi nīśhayya balubuṇyakṣhetramu
vŏḍalisĕmaḍa nībai homakṛtyamu
aḍarumovidenĕlu āragiṁpu navedyālu
vaḍim̐ jegŏnim̐ka nīvu varamiyyavalĕnu
(||vanida||)
kāminigi nīgūḍami ghanadivyayogamu
nemabum̐ baravaśhamu nijānaṁdamu
āmuga śhrīveṁkaḍeśha ābĕ nīvum̐ gūḍidiri
vāmulugā niṁkāniṭṭe varamiyyavalĕnu