(॥పల్లవి॥)
వననిధిఁ గురిసిన వానలివి మతి-
పనిలేని పనుల భారములు
(॥వన॥)
అడవుల వెన్నెల లారిడి బదుకులు
తడతాఁకుల పరితాఁపములు
వొడలొసఁగిన హరి నొల్లక యితరుల
బడి బడిఁ దిరిగిన బంధములు
(॥వన॥)
కొండల నునుపులు కొనకొన మమతలు
అండలఁ కేగిన నదవదలు
పండిన పంటలు పరమాత్ము విడిచి
బండయి తిరిగిన బడలికలు
(॥వన॥)
బచ్చన రూపులు పచ్చల కొలపులు
నిచ్చలనిచ్చల నెయ్యములు
రచ్చల వేంకటరమణునిఁ గొలువక
చచ్చియుఁ జావని జన్మములు
(||pallavi||)
vananidhim̐ gurisina vānalivi madi-
panileni panula bhāramulu
(||vana||)
aḍavula vĕnnĕla lāriḍi badugulu
taḍadām̐kula paridām̐pamulu
vŏḍalŏsam̐gina hari nŏllaga yidarula
baḍi baḍim̐ dirigina baṁdhamulu
(||vana||)
kŏṁḍala nunubulu kŏnagŏna mamadalu
aṁḍalam̐ kegina nadavadalu
paṁḍina paṁṭalu paramātmu viḍisi
baṁḍayi tirigina baḍaligalu
(||vana||)
bachchana rūbulu pachchala kŏlabulu
nichchalanichchala nĕyyamulu
rachchala veṁkaḍaramaṇunim̐ gŏluvaga
sachchiyum̐ jāvani janmamulu