(॥పల్లవి॥)
వంచిన పన్నీటఁ బో వాడె నీ మోము
మంచునఁ దామెరసొంపు మాయుఁగదవే
(॥వంచిన॥)
సంపెంగ నూనియనే మజ్జనము సేయఁగఁ బో
చెంపజారి తురుమెల్లఁ జెదరీ నేఁడు
గుంపులైన తుమ్మిదలు కొమ్మ నీయలకలివి
రంపపుఁగంపునకు వెరచుఁగదవే
(॥వంచిన॥)
జవ్వాది యెప్పుడు నీ నొసల మెత్తఁగానె పో
యెవ్వరు నిలిచిన నోరెత్తవు నేఁడు
కొవ్విన చిలుకపలుకులు దీనిగాలికి
దవ్వుదవ్వులనె కడు దాఁగుఁగదవే
(॥వంచిన॥)
ఒక్కటై వేంకటవిభుఁడొత్తినరేఖలఁ బో
చక్కని నీచనుఁ గొంగు జారీ నేఁడు
జక్కవపులుగులివి చందురుఁడుదయమైన
వుక్కమీరి బెదరుచునుండుఁ గదవే
(||pallavi||)
vaṁchina pannīḍam̐ bo vāḍĕ nī momu
maṁchunam̐ dāmĕrasŏṁpu māyum̐gadave
(||vaṁchina||)
saṁpĕṁga nūniyane majjanamu seyam̐gam̐ bo
sĕṁpajāri turumĕllam̐ jĕdarī nem̐ḍu
guṁpulaina tummidalu kŏmma nīyalagalivi
raṁpabum̐gaṁpunagu vĕrasum̐gadave
(||vaṁchina||)
javvādi yĕppuḍu nī nŏsala mĕttam̐gānĕ po
yĕvvaru nilisina norĕttavu nem̐ḍu
kŏvvina silugabalugulu dīnigāligi
davvudavvulanĕ kaḍu dām̐gum̐gadave
(||vaṁchina||)
ŏkkaḍai veṁkaḍavibhum̐ḍŏttinarekhalam̐ bo
sakkani nīsanum̐ gŏṁgu jārī nem̐ḍu
jakkavabulugulivi saṁdurum̐ḍudayamaina
vukkamīri bĕdarusunuṁḍum̐ gadave