(॥పల్లవి॥)
వలదన నొరులకు వసమటవే
తలఁచినట్ల నిది దైవమే చేసె
(॥వలద॥)
తరుణి కుచములను తామర మొగుడలు
విరిసేనోయని వెరపునను
సరగునఁ బతి నఖ చంద్రశకలములు
దరులఁ గలుగ నివి దైవమె చేసె
(॥వలద॥)
పొలిఁతి వదనమును పున్నమ చంద్రుఁడు
బలిమి నెగయునని భయమునను
మెలఁత చికుర ధమ్మిల్లపు రాహువు
తలఁ జెదరఁగ నిది దైవమే సేసె
(॥వలద॥)
వనితకు వాడునొ వలపు తాపమున
తనులతికయనుచుఁ దమకమున
ఘన వేంకటపతి కౌఁగిట చెమటలఁ
దనివి దీర్చనిది దైవమె సేసె
(||pallavi||)
valadana nŏrulagu vasamaḍave
talam̐sinaṭla nidi daivame sesĕ
(||valada||)
taruṇi kusamulanu tāmara mŏguḍalu
virisenoyani vĕrabunanu
saragunam̐ badi nakha saṁdraśhagalamulu
darulam̐ galuga nivi daivamĕ sesĕ
(||valada||)
pŏlim̐ti vadanamunu punnama saṁdrum̐ḍu
balimi nĕgayunani bhayamunanu
mĕlam̐ta sigura dhammillabu rāhuvu
talam̐ jĕdaram̐ga nidi daivame sesĕ
(||valada||)
vanidagu vāḍunŏ valabu tābamuna
tanuladigayanusum̐ damagamuna
ghana veṁkaḍabadi kaum̐giḍa sĕmaḍalam̐
danivi dīrsanidi daivamĕ sesĕ