(॥పల్లవి॥)
వలపుల కలగంప వాని కేమె
వలరాజుఁ గన్నతండ్రి వాని కేమె
(॥వలప॥)
వాడికగాఁ దానె యెవ్వతెనైనా వలపించు
వాడనివాసనపువ్వు వాని కేమె
వోడఁ డెందరికినైనా వుత్తరువె చెప్పీని
వాడమగువలవిందు వాని కేమె
(॥వలప॥)
తగిలి యెక్కడ నైనాఁ దనమేలె చూచుకొను
వగలమగతుమ్మిద వాని కేమె
తగిన ట్టిందరితో దరితీపులె సేసు
వగకాఁ డల్లారుముద్దు వాని కేమె
(॥వలప॥)
యెనసి యెక్కడనైనా యిచ్చకమె సేసుకొను
వనితల పెనుబాఁతి వాని కేమె
ఘనుఁడు దానె శ్రీవెంకటనాథుఁడు వచ్చి
వనజాక్షి ననుఁ గూడె వాని కేమె.
(||pallavi||)
valabula kalagaṁpa vāni kemĕ
valarājum̐ gannadaṁḍri vāni kemĕ
(||valaba||)
vāḍigagām̐ dānĕ yĕvvadĕnainā valabiṁchu
vāḍanivāsanabuvvu vāni kemĕ
voḍam̐ ḍĕṁdariginainā vuttaruvĕ sĕppīni
vāḍamaguvalaviṁdu vāni kemĕ
(||valaba||)
tagili yĕkkaḍa nainām̐ danamelĕ sūsugŏnu
vagalamagadummida vāni kemĕ
tagina ṭṭiṁdarido daridībulĕ sesu
vagagām̐ ḍallārumuddu vāni kemĕ
(||valaba||)
yĕnasi yĕkkaḍanainā yichchagamĕ sesugŏnu
vanidala pĕnubām̐ti vāni kemĕ
ghanum̐ḍu dānĕ śhrīvĕṁkaḍanāthum̐ḍu vachchi
vanajākṣhi nanum̐ gūḍĕ vāni kemĕ.