(॥పల్లవి॥)
వలపు నీరువంటిది వాడరాదు
తలఁపు మాకిద్దరికె తారుకాణై వుండును
(॥వల॥)
మలసి ఆతఁడాడిన మాటలు నాతోఁ జెప్పి
చలము రేఁచకురె సతులాల
తెలిసితి నేఁ దొల్లె తేనె(లె?) పొన్నాకుమీఁ దిదె
మెలఁగి నేఁడు గొత్తలు మీకింతె కాని
(॥వల॥)
యిదివో విభుఁని నన్ను నెదురుకట్లఁజూపి
మదము వెంచకురె మగువలాల
పదరి పండిదేరెనుఁ బంటిలోని రసములు
అదనెరఁగక మీరు అలసేరుగాని
(॥వల॥)
గక్కన శ్రీవెంకటేశ కాఁగిటిలో నన్నుఁగూర్చి
పక్కన నవ్వకురె పడఁతులాల
చిక్కెను నాకుఁ దొల్లె చెరకుపండినపండు
పెక్కుమారులు మీరు పెనఁగేరుగాని
(||pallavi||)
valabu nīruvaṁṭidi vāḍarādu
talam̐pu māgiddarigĕ tārugāṇai vuṁḍunu
(||vala||)
malasi ādam̐ḍāḍina māḍalu nādom̐ jĕppi
salamu rem̐sagurĕ sadulāla
tĕlisidi nem̐ dŏllĕ tenĕ(lĕ?) pŏnnāgumīm̐ didĕ
mĕlam̐gi nem̐ḍu gŏttalu mīgiṁtĕ kāni
(||vala||)
yidivo vibhum̐ni nannu nĕdurugaṭlam̐jūbi
madamu vĕṁchagurĕ maguvalāla
padari paṁḍiderĕnum̐ baṁṭiloni rasamulu
adanĕram̐gaga mīru alaserugāni
(||vala||)
gakkana śhrīvĕṁkaḍeśha kām̐giḍilo nannum̐gūrsi
pakkana navvagurĕ paḍam̐tulāla
sikkĕnu nāgum̐ dŏllĕ sĕragubaṁḍinabaṁḍu
pĕkkumārulu mīru pĕnam̐gerugāni