వలపేడఁ గలిగెనే వామలోచనకు దీని
(॥పల్లవి॥)
వలపేడఁ గలిగెనే వామలోచనకు దీని
వలపించి నటువంటివాఁడింక నెవ్వఁడో
(॥వల॥)
సిరులు గల మోమెల్ల చిరునవ్వుగనుదోయి
విరివైన వురమెల్ల వేఁకమైన గుబ్బలు
తరుణికి వెనకెల్లఁ దురుము పిఱుఁదులును మంచి-
నిరతంపు నడపెల్ల నిండుమురిపెములు
(॥వల॥)
జలజాక్షినిలువెల్ల చక్కఁదనముల పోగు
కలికితనమెల్లఁ గన్నులపండువు
కలకంటివయసెల్ల గడుఁ గోమలము దీని-
పలకుఁదేనియలెల్ల పంచదారకుప్పలు
(॥వల॥)
చెలువైన మోవెల్ల చిలుకవోట్లు దీనిఁ
కలదేహమింతయునుఁ గస్తూరివాసనలు
అలరించెఁ దిరువేంకటాధీశ్వరుఁడు దీని-
తలఁపెల్ల విభునిలో దాఁగున్న కరువు
(||pallavi||)
valabeḍam̐ galigĕne vāmalosanagu dīni
valabiṁchi naḍuvaṁṭivām̐ḍiṁka nĕvvam̐ḍo
(||vala||)
sirulu gala momĕlla sirunavvuganudoyi
virivaina vuramĕlla vem̐kamaina gubbalu
taruṇigi vĕnagĕllam̐ durumu piṟum̐dulunu maṁchi-
niradaṁpu naḍabĕlla niṁḍumuribĕmulu
(||vala||)
jalajākṣhiniluvĕlla sakkam̐danamula pogu
kaligidanamĕllam̐ gannulabaṁḍuvu
kalagaṁṭivayasĕlla gaḍum̐ gomalamu dīni-
palagum̐deniyalĕlla paṁchadāraguppalu
(||vala||)
sĕluvaina movĕlla silugavoṭlu dīnim̐
kaladehamiṁtayunum̐ gastūrivāsanalu
alariṁchĕm̐ diruveṁkaḍādhīśhvarum̐ḍu dīni-
talam̐pĕlla vibhunilo dām̐gunna karuvu