(॥పల్లవి॥)
వలపారగించవమ్మ వనిత నీ-
యలుక చిత్తమున కాఁకలి సేసినది
(॥వల॥)
అడియాసలనె పక్వమైన సోయగపు-
వెడయలుకల మంచి వేఁడి వేఁడి రుచులు
ఎడసేసి తాలిమి నెడయించి పైపైనె
పొడమిన తమకంపు బోనము వెట్టినది
(॥వల॥)
ఆమంచి మధురంపు ఆధరామృతముల
వేమారుఁ దావులు చల్లు వెన్నెలబయటను
కొమలపుఁ దరితీపు కోరికఁ గుమ్మరించి
భామకు పూబానుపు పళ్ళెము వెట్టినది
(॥వల॥)
కన్నుల కాంక్షలనెడి కళవళములు దీరె
సన్నపు నవ్వులనెడి చనవగ్గలించెను
అన్నువపు మరపు నీ కంతవింతఁ గలిగె నేఁ-
డిన్నియును దిరువేంకటేశుని మన్ననలు
(||pallavi||)
valabāragiṁchavamma vanida nī-
yaluga sittamuna kām̐kali sesinadi
(||vala||)
aḍiyāsalanĕ pakvamaina soyagabu-
vĕḍayalugala maṁchi vem̐ḍi vem̐ḍi rusulu
ĕḍasesi tālimi nĕḍayiṁchi paibainĕ
pŏḍamina tamagaṁpu bonamu vĕṭṭinadi
(||vala||)
āmaṁchi madhuraṁpu ādharāmṛtamula
vemārum̐ dāvulu sallu vĕnnĕlabayaḍanu
kŏmalabum̐ daridību korigam̐ gummariṁchi
bhāmagu pūbānubu paḽḽĕmu vĕṭṭinadi
(||vala||)
kannula kāṁkṣhalanĕḍi kaḽavaḽamulu dīrĕ
sannabu navvulanĕḍi sanavaggaliṁchĕnu
annuvabu marabu nī kaṁtaviṁtam̐ galigĕ nem̐-
ḍinniyunu diruveṁkaḍeśhuni mannanalu