(॥పల్లవి॥)
వైష్ణవులుగానివార లెవ్వరు లేరు
విష్ణుప్రభావ మీవిశ్వమంతయుఁ గాన
(॥వైష॥)
అంతయు విష్ణు మయం బట మరి దేవ-
తాంతరములు గలవననేలా
భ్రాంతిఁ బొంది యీ భావము భావించి-
నంతనే పుణ్యులవుట దప్పదుగాన
(॥వైష॥)
యెవ్వరిఁ గొలిచిన నేమిగొరఁత మరి
యెవ్వరిఁ దలచిన నేమి
అవ్వలివ్వల శ్రీహరిరూపుగానివా-
రెవ్వరు లేరని యెరుకదోచినఁ జాలు
(॥వైష॥)
అతిచంచలంబైన యాతుమ గలిగించు-
కతమున బహుచిత్తగతులై
యితరులఁ గొలిచిన యెడయక యనాథ-
పతితిరువేంకటపతి చేకొనుఁగాక
(||pallavi||)
vaiṣhṇavulugānivāra lĕvvaru leru
viṣhṇuprabhāva mīviśhvamaṁtayum̐ gāna
(||vaiṣha||)
aṁtayu viṣhṇu mayaṁ baḍa mari deva-
tāṁtaramulu galavananelā
bhrāṁtim̐ bŏṁdi yī bhāvamu bhāviṁchi-
naṁtane puṇyulavuḍa dappadugāna
(||vaiṣha||)
yĕvvarim̐ gŏlisina nemigŏram̐ta mari
yĕvvarim̐ dalasina nemi
avvalivvala śhrīharirūbugānivā-
rĕvvaru lerani yĕrugadosinam̐ jālu
(||vaiṣha||)
adisaṁchalaṁbaina yāduma galigiṁchu-
kadamuna bahusittagadulai
yidarulam̐ gŏlisina yĕḍayaga yanātha-
padidiruveṁkaḍabadi segŏnum̐gāga