వైష్ణవులసొమ్ము నేను వారు నీ సొమ్ములింతే
(॥పల్లవి॥)
వైష్ణవులసొమ్ము నేను వారు నీ సొమ్ములింతే
విష్ణుఁడ నీవెట్టైన వివరించుకోవయ్యా
(॥వైష్ణ॥)
నెఱి నీబంటనా హరి నీకంటె బలువులైన-
తఱి నీదాసులకే నే దాసుఁడగాక
గుఱుతెరుఁగుదునా నేఁ గోరి యింతకతొల్లి
గుఱుతు చూపిన మాగురువునేకాక
(॥వైష్ణ॥)
ముంచి నీకు మొక్కేఁగాక ముందే నీశరణులు
పెంచి పాదాలు నా నెత్తిఁబెట్టిరయ్య
పొంచి నీవేడ నేనేడ బుజముల ముద్రవెట్టి
సంచితమై సేసినట్టిసంబంధమేకాక
(॥వైష్ణ॥)
శ్రీవేంకటేశ నీసేవే సేసేఁగాక నే డీ-
సేవకుఁ దెచ్చెను వారిసేవేకాదా
భావమొక్కటిగా నాకుఁ బట్టిచ్చిరి నిన్ను వారు
ఆవలీవలికిఁ బరమార్థమేకాక
(||pallavi||)
vaiṣhṇavulasŏmmu nenu vāru nī sŏmmuliṁte
viṣhṇum̐ḍa nīvĕṭṭaina vivariṁchugovayyā
(||vaiṣhṇa||)
nĕṟi nībaṁṭanā hari nīgaṁṭĕ baluvulaina-
taṟi nīdāsulage ne dāsum̐ḍagāga
guṟudĕrum̐gudunā nem̐ gori yiṁtagadŏlli
guṟudu sūbina māguruvunegāga
(||vaiṣhṇa||)
muṁchi nīgu mŏkkem̐gāga muṁde nīśharaṇulu
pĕṁchi pādālu nā nĕttim̐bĕṭṭirayya
pŏṁchi nīveḍa neneḍa bujamula mudravĕṭṭi
saṁchidamai sesinaṭṭisaṁbaṁdhamegāga
(||vaiṣhṇa||)
śhrīveṁkaḍeśha nīseve sesem̐gāga ne ḍī-
sevagum̐ dĕchchĕnu vārisevegādā
bhāvamŏkkaḍigā nāgum̐ baṭṭichchiri ninnu vāru
āvalīvaligim̐ baramārdhamegāga