(॥పల్లవి॥)
వద్దు వద్దు మీలోన వట్టివాదులు
సుద్దుల మాటలకే సూడువట్టేరా
(॥వద్దు॥)
పంతములాడితేనేమి బలిమిచేసితేనేమి
వింతలేని మనసుల వెలఁదులకు
దొంతర వలపులెల్ల తోడుతనే వెంటరాఁగా
యింతమాత్రపు వలఁపు లివి చెల్లవా
(॥వద్దు॥)
గబ్బితనమైననేమి గర్వము చూపిననేమి
వుబ్బేటి జవ్వనముల వువిదలకు
నిబ్బరపు టాసలెల్ల నిండుకొని వుండఁగాను
అబ్బురపుఁ దమకములవి మానీనా
(॥వద్దు॥)
కన్నుల నొక్కిననేమి కాఁగిలించుకొన్ననేమి
నిన్నుఁ గూడి వుండినట్టి నెలఁతలకు
మన్నించు శ్రీవేంకటేశ మరి నీ యాసవుండఁగా
సన్నపు మోవితీపుల చవులెక్కవా
(||pallavi||)
vaddu vaddu mīlona vaṭṭivādulu
suddula māḍalage sūḍuvaṭṭerā
(||vaddu||)
paṁtamulāḍidenemi balimisesidenemi
viṁtaleni manasula vĕlam̐dulagu
dŏṁtara valabulĕlla toḍudane vĕṁṭarām̐gā
yiṁtamātrabu valam̐pu livi sĕllavā
(||vaddu||)
gabbidanamainanemi garvamu sūbinanemi
vubbeḍi javvanamula vuvidalagu
nibbarabu ṭāsalĕlla niṁḍugŏni vuṁḍam̐gānu
abburabum̐ damagamulavi mānīnā
(||vaddu||)
kannula nŏkkinanemi kām̐giliṁchugŏnnanemi
ninnum̐ gūḍi vuṁḍinaṭṭi nĕlam̐talagu
manniṁchu śhrīveṁkaḍeśha mari nī yāsavuṁḍam̐gā
sannabu movidībula savulĕkkavā