వద్దు చలమింతటను వనితఁ గావఁగరాదా
(॥పల్లవి॥)
వద్దు చలమింతటను వనితఁ గావఁగరాదా
ముద్దసేసి తమకము మూలఁబెట్టుకొనేవా
(॥వద్దు॥)
కోరికలు పెడరేఁచి గుట్టుననున్నాఁడవు
ఆరీతినలయింతురా ఆఁటదానిని
రారాదా యిఁకనైనా రమణిపానుపుపైకి
వూరనిచ్చి విరహము వుట్టిఁగట్టేవా
(॥వద్దు॥)
చెమటపుట్టఁ జెనకి సిగ్గుననున్నాఁడవు
చిమిడింతురా మనసు చెలియకును
జమళినింతిచన్నుల సాములు సేయఁగరాదా
వుమరఁబెట్టి వలపు వొడినించుకొనేవా
(॥వద్దు॥)
కాఁగిలించి కరఁగించి కన్నులు మూసుకొనేవు
దాఁగిలిముచ్చిమేఁటికి తరుణితోను
వీఁగక శ్రీవేంకటేశ వెలఁదిఁ గూడితివిట్టే
మాఁగనిచ్చి మోవితేనె మరిఁ గొసరేవా
(||pallavi||)
vaddu salamiṁtaḍanu vanidam̐ gāvam̐garādā
muddasesi tamagamu mūlam̐bĕṭṭugŏnevā
(||vaddu||)
korigalu pĕḍarem̐si guṭṭunanunnām̐ḍavu
ārīdinalayiṁturā ām̐ṭadānini
rārādā yim̐kanainā ramaṇibānububaigi
vūranichchi virahamu vuṭṭim̐gaṭṭevā
(||vaddu||)
sĕmaḍabuṭṭam̐ jĕnagi siggunanunnām̐ḍavu
simiḍiṁturā manasu sĕliyagunu
jamaḽiniṁtisannula sāmulu seyam̐garādā
vumaram̐bĕṭṭi valabu vŏḍiniṁchugŏnevā
(||vaddu||)
kām̐giliṁchi karam̐giṁchi kannulu mūsugŏnevu
dām̐gilimuchchimem̐ṭigi taruṇidonu
vīm̐gaga śhrīveṁkaḍeśha vĕlam̐dim̐ gūḍidiviṭṭe
mām̐ganichchi movidenĕ marim̐ gŏsarevā