(॥పల్లవి॥)
వద్దు నాతో బొంక నిటువలె నీకు నీ-
సుద్దుల కాఁకల మంట సొద చొచ్చేరా
(॥వద్దు॥)
కనలి నే నపరాధిఁ గానని కలికి నీ -
కొనచూపులనే యలుగులఁ బారేనే
యెనసి యెవ్వతెకొ మోహింతువని నీ మోవి
మనసార నాలిక మడ్దువట్టే రా
(॥వద్దు॥)
మఱచి యెవ్వతెతో నే మాటాడనని నీ -
చిఱునవ్వు నిప్పులు దోసిట ముంచేనే
తెఱలఁ గాఁగిన నీ దేహపు టుక్కుఁ గంబము
కఱతలిన్నియు నని కౌఁగిలించేరా
(॥వద్దు॥)
నెలఁత దక్కితినని నీ వీడెపు రసము
చలివాయ నిపుడు పోసము దాగేనే
కలసియు నన్ను వెంకటరాయ కపటాన -
నలయించేవని నీపై నాన వెట్టేరా
(||pallavi||)
vaddu nādo bŏṁka niḍuvalĕ nīgu nī-
suddula kām̐kala maṁṭa sŏda sŏchcherā
(||vaddu||)
kanali ne nabarādhim̐ gānani kaligi nī -
kŏnasūbulane yalugulam̐ bārene
yĕnasi yĕvvadĕgŏ mohiṁtuvani nī movi
manasāra nāliga maḍduvaṭṭe rā
(||vaddu||)
maṟasi yĕvvadĕdo ne māḍāḍanani nī -
siṟunavvu nippulu dosiḍa muṁchene
tĕṟalam̐ gām̐gina nī dehabu ṭukkum̐ gaṁbamu
kaṟadalinniyu nani kaum̐giliṁcherā
(||vaddu||)
nĕlam̐ta dakkidinani nī vīḍĕbu rasamu
salivāya nibuḍu posamu dāgene
kalasiyu nannu vĕṁkaḍarāya kabaḍāna -
nalayiṁchevani nībai nāna vĕṭṭerā