వాసివంతు విడిచినవాఁడే యోగి; యీ
(॥పల్లవి॥)
వాసివంతు విడిచినవాఁడే యోగి; యీ-
ఆసలెల్లా విడిచిన అతఁడే యోగి
(॥వాసి॥)
గద్దించి పారెడుతురగమువంటి మనసు
వద్దని మరలించినవాఁడే యోగి
వొద్దనే కొండలవంటి వున్నత దేహగుణాలు
దిద్ది మట్టుపెట్టువాఁడే ధీరుఁడైన యోగి
(॥వాసి॥)
ముంచుకొన్న యింద్రియపు మోహజలధిలోన
వంచన మునుఁగనట్టివాఁడే యోగి
పొంచి పుణ్యపాపములు పొట్టువంటి కర్మములు
దంచి పారఁజల్లువాఁడే తత్త్వమైన యోగి
(॥వాసి॥)
వెగటుకామాదుల వెళ్ళఁగొట్టి శాంతుఁడై
వగలుడిగినయట్టివాఁడే యోగి
నిగిడి శ్రీవేంకటేపతి నిజదాసుఁడై భక్తిఁ
దగిలి నిలుపువాఁడే ధన్యుఁడైన యోగి
(||pallavi||)
vāsivaṁtu viḍisinavām̐ḍe yogi; yī-
āsalĕllā viḍisina adam̐ḍe yogi
(||vāsi||)
gaddiṁchi pārĕḍuduragamuvaṁṭi manasu
vaddani maraliṁchinavām̐ḍe yogi
vŏddane kŏṁḍalavaṁṭi vunnada dehaguṇālu
diddi maṭṭubĕṭṭuvām̐ḍe dhīrum̐ḍaina yogi
(||vāsi||)
muṁchugŏnna yiṁdriyabu mohajaladhilona
vaṁchana munum̐ganaṭṭivām̐ḍe yogi
pŏṁchi puṇyabābamulu pŏṭṭuvaṁṭi karmamulu
daṁchi pāram̐jalluvām̐ḍe tattvamaina yogi
(||vāsi||)
vĕgaḍugāmādula vĕḽḽam̐gŏṭṭi śhāṁtum̐ḍai
vagaluḍiginayaṭṭivām̐ḍe yogi
nigiḍi śhrīveṁkaḍebadi nijadāsum̐ḍai bhaktim̐
dagili nilubuvām̐ḍe dhanyum̐ḍaina yogi