(॥పల్లవి॥)
వారివారి సహజపు వరుస లివి
కారణము తొల్లే హరికల్పితమిది
(॥వారి॥)
వేరే విరుద్ధము లేదు వివేకించి చూచితేను
శూరుఁడై వుండిన మహాసుజ్ఞానికి
యేరీతిఁ జూచినాను యేకసమ్మతి లేదు
సారము దెలియరాని సంసారికి
(॥వారి॥)
సకలభావములును చక్కనయ్యే తోఁచివుండు
ప్రకటించి నేరిచిన ప్రౌఢలకును
అకటా జగడములే అన్నిటా వెంటనే వచ్చు
వికలులైన మూఢవిచారులకు
(॥వారి॥)
సేయఁగల కర్మమెల్లా సేసి తొల్లె ఫలించెను
దాయిదండగల హరిదాసులకును
రాయడిఁ బుణ్యపాపాలు రారాఁపులై యుండు
యేయెడ శ్రీవేంకటేశు నెరఁగనివారికి
(||pallavi||)
vārivāri sahajabu varusa livi
kāraṇamu tŏlle harigalbidamidi
(||vāri||)
vere viruddhamu ledu vivegiṁchi sūsidenu
śhūrum̐ḍai vuṁḍina mahāsujñānigi
yerīdim̐ jūsinānu yegasammadi ledu
sāramu dĕliyarāni saṁsārigi
(||vāri||)
sagalabhāvamulunu sakkanayye tom̐sivuṁḍu
pragaḍiṁchi nerisina prauḍhalagunu
agaḍā jagaḍamule anniḍā vĕṁṭane vachchu
vigalulaina mūḍhavisārulagu
(||vāri||)
seyam̐gala karmamĕllā sesi tŏllĕ phaliṁchĕnu
dāyidaṁḍagala haridāsulagunu
rāyaḍim̐ buṇyabābālu rārām̐pulai yuṁḍu
yeyĕḍa śhrīveṁkaḍeśhu nĕram̐ganivārigi