వారివారి భాగ్యము వలపుల కొలఁది
(॥పల్లవి॥)
వారివారి భాగ్యము వలపుల కొలఁది
నేరుపు గలిగితేను నిన్నమాపే రేపూ
(॥వారి॥)
కనుసన్న నాపె నిన్నుఁ గరఁగించఁ జూచితేను
యెనసి అవె(వ?)మ్ములైతే నేమిసేసును
వెనుకొని అవియెల్ల విరహవేళల నింతె
మన లొక్కటైతె తామరపూజలవును
(॥వారి॥)
వుదవి చన్నులనొత్తి వూరడించఁ జూచితేను
యిమో పిడిగుండ్లయితే నేమిసేసును
పవళించి అవి రతిపంతమాడేవేళనింతె
కవగూడితేను జక్కవరూపులవును
(॥వారి॥)
పెదవులెత్తి చెలియ ప్రియము చెప్పఁజూచితే
యెదురుగాలములైతే నేమిసేసును
కదియనివేళ నింతెకాని శ్రీవెంకటేశుఁడ
యిదె కూడితిరి యివె యిఁక తేనెలవును
(||pallavi||)
vārivāri bhāgyamu valabula kŏlam̐di
nerubu galigidenu ninnamābe rebū
(||vāri||)
kanusanna nābĕ ninnum̐ garam̐giṁcham̐ jūsidenu
yĕnasi avĕ(va?)mmulaide nemisesunu
vĕnugŏni aviyĕlla virahaveḽala niṁtĕ
mana lŏkkaḍaidĕ tāmarabūjalavunu
(||vāri||)
vudavi sannulanŏtti vūraḍiṁcham̐ jūsidenu
yimo piḍiguṁḍlayide nemisesunu
pavaḽiṁchi avi radibaṁtamāḍeveḽaniṁtĕ
kavagūḍidenu jakkavarūbulavunu
(||vāri||)
pĕdavulĕtti sĕliya priyamu sĕppam̐jūside
yĕdurugālamulaide nemisesunu
kadiyaniveḽa niṁtĕgāni śhrīvĕṁkaḍeśhum̐ḍa
yidĕ kūḍidiri yivĕ yim̐ka tenĕlavunu