(॥పల్లవి॥)
వారిధిశయన వో వటపత్రపరియంక
గారవాన మేలుకొని కన్నులు దెరవవే
(॥వారిధి॥)
ఘన యోగి హృదయపు కమలాలు వికసించె
వొనర విజ్ఞాన సూర్యోదయమాయ
మును జీవ పరమాత్మముల జక్కవలు గూసె
వనజాక్ష మేలుకొని వాకిలి దెరవవే
(॥వారిధి॥)
కలుషముల నేటి చీఁకట్లెల్లఁ బెడఁబాసె
నలువంక వేద కీరనాదము మ్రోసె
అలరి యితర ధర్మాల నేటి చుక్కలు మాసె
జలజాక్ష మేలుకొని సతి మోము చూడవే
(॥వారధి॥)
కపట రాక్షస నేత్ర కలు హారములు మోడ్చె
యిపుడే సుకర్మముల యెండలు గాసె
అపురూప శ్రీ వేంకటాద్రీశ మేలుకొని
నిపుణుఁడ యిందిరయు నీవు మమ్ముఁ గావనవే
(||pallavi||)
vāridhiśhayana vo vaḍabatrabariyaṁka
gāravāna melugŏni kannulu dĕravave
(||vāridhi||)
ghana yogi hṛdayabu kamalālu vigasiṁchĕ
vŏnara vijñāna sūryodayamāya
munu jīva paramātmamula jakkavalu gūsĕ
vanajākṣha melugŏni vāgili dĕravave
(||vāridhi||)
kaluṣhamula neḍi sīm̐kaṭlĕllam̐ bĕḍam̐bāsĕ
naluvaṁka veda kīranādamu mrosĕ
alari yidara dharmāla neḍi sukkalu māsĕ
jalajākṣha melugŏni sadi momu sūḍave
(||vāradhi||)
kabaḍa rākṣhasa netra kalu hāramulu moḍchĕ
yibuḍe sugarmamula yĕṁḍalu gāsĕ
aburūba śhrī veṁkaḍādrīśha melugŏni
nibuṇum̐ḍa yiṁdirayu nīvu mammum̐ gāvanave